اردوغان: مسلمانلرنینگ یریمی دن آرتیغراغی نینگ حتی سوادی هم یوق

ترکیه جمهوریتی جمهوررئیسی رجب طیب اردوغان قزاقستانده بولیب اوتگن اسلام همکارلیک تشکیلاتی نینگ بیلیم و تکنالوژی ییغیلیشی نینگ افتتاحیه قسمیده قیلگن معروضه سیده, دنیا ده مسلمان لرنینگ 55 فایزی نینگ حتی سوادی هم بولمه گن لیگی نی معلوم قیلدی. 

اردوغان, "بیز بیرینچی بویوروغی اوقیش دن عبارت بولگن و بیشیک دن قبر گه قدر علم تحصیل قیلیش نی توصیه قیلگن بیر دین نینگ منسوب لری میز.  اصلی گه قره گنده اسلام مدنیتی علم و عرفان مدنیتی دن عبارت.  مسلمان لر دنیا سیاستی گه جهت بیرگن پیتلریده, عینی دمده علم و عرفان نینگ هم مرکزی بولیب کیلگن.  مسلمانلر اوقیش و علم تحصیل قیلیشدن اوزاق لَشگَچ وضعیتی یمان له شه باشله دی.  حاضرگی کونده مسلمان نفوس نینگ 55 فایزی نینگ حتی سوادی هم یوق.  اقتصادی همکارلیک و رواجله نیش تشکیلاتی اعضاسی اولکه لر ده ملی عایدات نینگ 5,2 فایزلیک قسمی علم تحصیل ایتیلیشی اوچون اجره تیلرایکن, اسلام عالمیده ایسه اوشبو رقم نینگ حتی 1 فایز هم ایمس لیگی کورینماقده.  اینگ استعداد لی باله لری میز نی غربی اولکه لر قولی میزدن آلیب کیتماقده" دییه قید ایتدی. 

جمهوررئیسی اردوغان, اسلام عالمی ده گی قیین چیلیک لرنینگ ییچیلیشی اوچون اسلامی اولکه لرنینگ بیر یقه دن باشقریب متحد بولیشی کیره ک ایکن لیگی نی معلوم قیلدی.

شونده ی قیلیب اردوغان, حاضرگی کونده اسلامی اولکه لرنینگ بیر بیر لری بیلن جنجال قیلیش اورنیگه متحد بولیش گه ضرورت لری بولگن لیگی نی بیلدیردی.