ترکیه بی بی خال مامه نی اوز بغریگه باسدی

افغانستان دن باش پنه سوره ب سویدن گه بارگن 106 یاش گه ایگه افغانستان لیک بی بی خال اوزبیک نینگ سویدنده یشش طلبی اوشبو اولکه نینگ مقام لری تامانیدن رد ایتیلدی. 

شونده ی قیلیب سویدن نینگ بی بی خال مامه نی هیده ب یوباریشی بحث موضوعی بولیب قالدی. 

ترکیه ایسه بی بی خال مامه نینگ ترکیه ده یششی اوچون اوز فعالیت لری نی باشله تیب یوباردی. 

بی بی خال مامه نینگ سویدن ترکیه گه کیلتیریلیشی بوییچه پروسه نینگ سویدنده گی قسمی نینگ حاضرچه تکمیل بولمه گن لیگی بیلدیریلدی. 

بی بی خال مامه کتته قیین چیلیک لر بیلن بالکان لر آرقه لی میلادی 2015 نچی ییلیده سویدن گه بارگن ایدی. 

ترکیه جمهوریتی تشقی ایش لر وزیرلیگی, سویدن نینگ هیده ب یوباره دیگن بی بی خال مامه نینگ ترکیه گه کیلتیریلیشی بیلن علاقه لی بیرگن بیاناتلریده, "بیز طلب ایتدیک. بیراق حاضرچه سویدن ده گی پروسه تکمیل بولگن ایمس" دییه قید ایتدی. 

عینی دمده سویدن مهاجرت اداره سی نینگ بی بی خال مامه نی اولکه دن هیده ب یوباریش گه قرار بیریشی گه قره مسدن, خودی منه شوو قرار نینگ تمیز محکمه سی راجع قیلینگن لیگی معلوم قیلیندی. 

تمیز محکمه سی پروسه سی نینگ هم 6 الی 7 آی دوام ایتیشی نینگ ممکن ایکن لیگی بیلدیریلدی.