ایزمیر فستیوالی باشلندی
تورکيه تشقی ایشلر وزیری مولود چاووش اوغلی 86-ایزمیر خلق ارا فستیوالیده سوزگه چیقدی.
او اوز صحبتیده روسیه بیلن سودا - اقتصادي و انرژی ساحه سیده علاقه لرنی ینه ده یوقاری باسقیچگه کوتریش مسأله سینی ایلگری سوردی.
«روسیه بیلن نه فقط اقتصادي علاقه لریمیزنی، بلکه سیاسي علاقه لریمیزنی هم یوقاری سویه گه آلیب چیقیشگه حرکت قیلماقده میز. منطقوي همکارلیگیمیزنی مستحکم لشتیرماقده میز. بولردن بیری سوريه ده گی همکارلیک دیر. سوريه آرقه لی روسیه بیلن تورکيه اورته سیده گی همکارلیک بوگونگی کونده منطقه ده قسماً بولسه هم صلح بیتیمینی تأمینلش خصوصیده آدیملرنینگ آتیلیشی گه فرصت یراتدی. شو باعث، روسیه گه منطقوي همکارلیک اوچون منّتدارچیلیک بیلدیره میز»، دیدی.
مولود چاووش اوغلی؛
«ایزمیر خلق ارا فستیوالی هر ییلی عنعنوي روشده بیران همکار دولت نینگ اشتراکیده عملگه آشیریله دی. روسیه فدراسیونی نینگ بو ییلگی خلق ارا فستیوالگه همکار دولت صفتیده اشتراک ایتیشی اساسن، تورکيه و روسیه مناسبتی نینگ بوگونگی حالتینی کورسته دی. سوچی گه سفریمیز چاغیده جناب جمهور رئیس ایردوغان بیلن پوتین روسیه نینگ بو فستیوال گه همکار دولت صفتیده قتنه شیشینی قرارلشتیرگن ایدی. مین هم، حرمتلی دوستیم الیکسندر نووا‌ک هم، اوشه ییغیلیشده بونگه گواه بولگن ایدیک»، دیدی.
مولود چاووش اوغلی فستیوال چاغیده روسیه بیلن باشقه بیر قنچه مسأله لرنی هم محاکمه قیلیشینی تیلگه آلیب، «تورکيه و روسیه اورته سیده گی ویزه نی بر طرف قیلیش اوچون فعالیتلر دوام ایتماقده»، دیدی.
