ترکيه دن یونان تشقی ایشلر وزیری کوسیاسگه ناراضیلیک بیلدیریلدی
کوسیا‌س 10- جولایده صربيا تشقی ایشلر وزیری ایویا داجیک بیلن آتن ده اویوشتیرگن مشترک مطبوعاتی انجمنیده، قبرس کنفراسسیده ترکيه نینگ کیلیشوودن اوزاق بیر اسلوب نمایان قیلگن لیگی بیلن عیبله دی
ترکيه، یونان تشقی ایشلر وزیری نیکوس کوسیا‌س نینگ قبرس کنفراسی نینگ نتیجه سیز قالیشیده انقره باشقرووینی عیبلشی، مذاکره لرنینگ، اولکه سی و قبرس روم تامانی یوزیدن برهم ییگن لیگینی یشیریش اوچون حرکت ایتیلگن لیگینی بیلدیردی.
تشقی ایشلر وزیری سوزلاوچیسی و بویوک ایلچی حسین مفتی اوغلی، کوسیا‌س نینگ 10- جولایده صربيا تشقی ایشلر وزیری ایویا داجیک بیلن آتن ده اویوشتیرگن مشترک مطبوعاتی انجمنیده، « 28- جون 7-جولای کونلریده کرنس- مونتا‌نه ده اویوشتیریلگن قبرس کنفراسسیده ترکيه نینگ کیلیشوودن اوزاق بیر اسلوب نمایان قیلگن» دیب ایتگن افاده لر هیچ قچان قبول قیلینمس دیب معلوم قیلدی.
ترکيه نینگ قبرس کنفراسسی کرنس- مانتا‌نه مجلسی گه، مذاکره جریانیگه باشیدن بیری کورسه تگن یخشی نیت و ایجابي مناسبت، قبرس مسأله سیگه عادل و دوام ایتتیریشی ممکن کینگ کولملی بیر ییچیم تاپه آلیش مقصدی بیلن اشتراک ایتگنی گه دقّت قره تگن مفتی اوغلی شونده‌ی دیب قید ایتدی:
کنفراسده قَیسی تامان ایجابي حرکت قیلمه گنی ایسه برچه اشتراکچیلر تامانیدن بیلینماقده. باشقه تاماندن وزیر کوسیا‌س، مطبوعاتی انجمنیده قیلگنیدیک اساسن عیبلشلری و عیبلش اویینیگه باشله‌گه نینگ فرقیده‌میز. چونکه اوز مناسبتلری کیلیشوودن اوزاق ایکنینی بیلگنلر اوزلری نینگ ضدیگه یخشی نیت و ایجابي مناسبت کورسه تگنلرنی عیبلش اوچون حقیقتدن نا توغری و حقیقت بولمه گن ادعالرنی کون ترتیبیگه کیلتیره دی.
یونان تشقی ایشلر وزیری قبرس کنفراسیدن ژنو‌ده بولگنیدیک کرنس- مونتا‌نه ده بیر نتیجه آلینمه گن لیگی مسوولیتینی اوزیدن اوزاقلشتیریب ترکيه نی عیبلشی بیهوده بیر حرکت دیر. مذاکره لر اصلیده اولکه سی نینگ و قبرس روم تامانی نینگ یخشی نیتدن و سیاسي اراده دن اوزاق بولیشلری طفیلی چوکیشینی یشیریش دیر. کنفراس ایجابي شکلده نتیجه لنیشی اوچون هیچ بیر غیرت کورسه تمه‌گن وزیر کوسیا‌سنی هیچ بولمه سه بوندن سونگره ایجابي حرکت قیلیشگه تکلیف قیله میز.»
