معصوم ستانکزی ترکیه ده جنرال دوستم بیلن اوچره شدی
ستانکزی بیلن جنرال دوستم آره سیده گی اوشبو اوچره شوو انقره ده بولیب اوتدی
افغانستان ملی امنیت عمومی ریاستی نینگ رئیسی معصوم ستانکزی ترکیه گه سفر قیلیب خودی منه شوو ییر نینگ اوزیده افغانستان جمهوررئیسی نینگ بیرینچی اورینباسری سترجنرال عبدالرشید دوستم بیلن اوچره شدی.
خودی منه شوو اوچره شوو نینگ انقره ده افغانستان نینگ نجاتی اوچون بیر ائتلاف نینگ قوریلیشی آرتیدن بحث موضوعی بولگن لیگی کورینماقده.
جمهوررئیسی نینگ بیرینچی اورینباسری دفتر ریاستی اوشبو اوچره شوو نینگ سه شنبه کونی بولیب اوتگن لیگی نی بیلدیردی.
جمهوررئیسی بیرینچی اورینباسری نینگ دفتر رئیسی عنایت الله بابر فرهمند اوشبو اوچره شوو جریانیده ستانکزی نینگ جنرال دوستم نینگ افغانستان گه قیتیب باریشی نی طلب ایتگن لیگی نی معلوم قیلدی.
خودی منه شوو ینگی لیک نینگ بیر مدت آلدین افغانستان جمهوررئیسی نینگ بیرینچی اورینباسری عبدالرشید دوستم, بلخ ولایتی نینگ والیسی و جمعیت اسلامی حزبی نینگ اجرائی رئیسی عطا محمد نور و افغانستان مردمی اسلامی وحدت حزبی نینگ رهبری و افغانستان اجرائیه رئیسی نینگ اورینباسری حاجی محمد محقق آره سیده انقره ده بولیب اوتگن بیر ییغیلیش کیتیدن یوز بیرگن لیگی کورینماقده.
