ترکیه تشقی ایشلر وزیری قطر معماسی باعث چیت ایل سفرینی کنسل قیلدی
ترکيه جمهوریتی تشقی ایشلر وزیری مولد چاووش اوغلی قطر معماسی یوزه سیدن تناون لیتوانیا پایتختی ویلنیوس گه قره تیلگن زیارتینی کنسل قیلدی.
لیتوانیا تشقی ایشلر وزیرلیگی تامانیدن معلوم قیلینیشیچه چاووش اوغلی، لیتوانیا تشقی ایشلر وزیری لیناس لینکاویچیوس گه قونغراق قیلیب، زیارت نینگ کیچیکتیریلگن لیگی عذر سوره گن.
چاووش اوغلی زیارت نینگ، هر ایکّی تامانگه هم معقول بولگن باشقه بیر وقتده اوتکزیله جگیدن امیدوار ایکنلیگینی هم اوز سوزیگه علاوه ایتگن.
لیتوانیا تشقی ایشلر وزیرلیگی معلوماتیده زیارت نینگ، قطر و منطقه ده گی وضعیت نینگ یامانلشگنی یوزه سیدن کنسل قیلینگن لیگی هم قید ایتیلدی.
مولد چاووش اوغلی لیتوانیا‌نی آخرگی مراتبه بوندن 2 ییل مقّدم زیارت قیلگن، لیتوانیا تشقی ایشلر وزیری لینکاویچیوس ایسه ترکيه نی اوتگن ییل نینگ 22- اگست آییده زیارت قیلگن.
لیناس لینکاویچیوس ، فتح الله چی ترور تشکیلاتی نینگ 15- جولایده گی تونتریش تشبثی آرتیدن ترکيه گه تشریف بویورگن بیرینچی اروپا اتفاقی و ناتو تشقی ایشلر وزیری ایدی.
ایتیب اوتیش کیره ک تشقی ایشلر وزیری مولد چاووش اوغلی قطر معماسی دایره سیده تیلفون آرقه لی دیپلوماتیک اوچره شوولرینی دوام ایتتیرماقده.
شو چوکاتده تناون قطر تشقی ایشلر وزیری محمد بن عبدالرحمان بن الثاني بیلن آقشام وقتیده تیلفون آرقه لی ملاقا‌ت قیلدی.
دیپلوماتیک منبع لردن آلینگن معلوماتگه کوره چاووش اوغلی بیلن قطرلیک تینگداشی اوشبو ملاقاتده، کورفز منطقه سیده گی آخرگی وضعیتنی بهاله دی.
چاووش اوغلی شونینگدیک، رومانیالیک تشقی ایشلر وزیری تیودار میلیشکنو و بلغاريا تشقی ایشلر وزیری ایکا‌ترینا زهریوه بیلن هم تیلفون آرقه لی اوچره شوو اوتکزدی.
