ترکیه امریکا گه ناراضی چیلیک کورستدی
تشقی ایشلر وزیرلیگی، لایحه نی "حقیقت لرنی نا توغری انعکاس بیریب بیر تامانلمه قرار بیریلگن" دیب بهاله دی.
ترکیه، امریکا قوشمه ایالتلری وکیللر مجلسیده جمهور رئیس رجب طیب ایردوغان نینگ بو اولکه نی زیارت قیلگنده واشنگتن بویوک ایلچی لیگی آلدیده یوز بیرگنلرنی قاره له گن بیر قرار لایحه سی نینگ قبول قیلینیشی گه ناراضی چیلیک کورستدی.
تشقی ایشلر وزیرلیگی، لایحه نی "حقیقت لرنی نا توغری انعکاس بیریب بیر تامانلمه قرار بیریلگن" دیب بهاله دی.
وزیرلیک سوزلاوچیسی مفتی اوغلی بیرگن بیاناتیده، "مجلسده قبول قیلینگن بو قانون لایحه سینی رد ایته میز" دیدی.
جمهور رئیس ایردوغان نینگ امریکا قوشمه ایالتلری زیارتیده ترکیه نینگ واشنگتن بویوک ایلچی لیگی آلدیده گی حادثه نی، آگاهلنتیروولرگه قره مسدن امریکا رسميلری نینگ کیره کلی چاره- تدبیرلر آلمه گن لیگی گه دقّت قره تگن مفتی اوغلی، "امریکا قوشمه ایالتلری ارگانلری نینگ زیارت دایره سیده آلگن فوق العاده خوفسیزلیک چاره- تدبیرلریگه قره مسدن بو حادثه لر روی بیریشینی توشونیب بولمه یدی" دیب ملاحظه بیلدیردی.
حسین مفتی اوغلی، " موضوعنی باشقه تامانگه بوریش مقصدیده امریکا قوشمه ایالتلری وکیللر مجلسیده کون ترتیبی گه کیلتیریلگن بو کیریشوو نینگ قانون قوییش جریانیده مسئله گه ییچیم تاپمه یدی. بیز، یقیندن کوزه تیب بارگن بو خصوصلر نینگ، ایجابي دیب حسابله گن زیارتگه سایه توشیریشنی ایسته مه ی میز" دیب افاده ایتدی.
