ترکیه تشقی ایشلر وزیری سونگی وضعیت بیلن علاقه لی بیانات بیردی
چاووش اوغلی، "YPG لی تروریستلر بولگن جایده بیز بولمه ی میز" دیب ایتدی.
تشقی ایشلر وزیری مولد چاووش اوغلی، امریکا باشقرووی نینگ، ترور تشکیلاتی پی کاکا نینگ سوريه ده گی بولیمی YPG گه بیرگن قوراللرنی ترکیه گه قرشی ایشله تمس لیک اوچون سوز بیریلگنینی ایضاحله دی.
جمهور رئیس رجب طیب ایردوغان نینگ 16 می کونی امریکا قوشمه ایالتلریده گی زیارتیگه تماس ایتگن چاووش اوغلی، ایردوغان نینگ، توشونچه لرینی قرشی تامانگه آچیقچه بیلدیرگنینی افاده ایتدی.
ترور تشکیلاتی داعش گه قرشی کوره ش موضوعسیده ترکیه نینگ هم اَیریم شرطلری بولگنینی فاده ایتگن چاووش اوغلی، "YPG لی تروریستلر بولگن جایده بیز بولمه ی میز" دیب ایتدی.
جمهور رئیس ایردوغان نینگ "ترکیه نی تهدید ایتگن تقدیرده YPG گه قرشی چاره- تدبیرلر آلینه دی" دیگن سوزلرینی ایسله تگن چاووش اوغلی، لیکن تشکیلات نینگ قوراللردن ترکیهگه قرشی فایده لنمس لیگی اوچون سوز بیریلگنینی افاده ایتدی.
چاووش اوغلی، امریکا قوشمه ایالتلری نینگ داعش گه قرشی کوره ش خاص نماینده سی بریتت مات کورک نینگ ترور تشکیلاتی پی کاکا/ YPGنی دستکله گنینی و بو کیشینی المشتیریلیشی کیره ک لیگی گه دقّت قره تدی.
ایردوغان وا‌شینگتن اوچره شوولری چاغیده سوريه نینگ رقه شهریده گی عملیاتده تروریستلرنی سیزیب اوتیشینی بیلدیرگن مولد چاووش اوغلی، بو حدودلرنی عر‌بلر نینگ باشقرووی گه تاپشیریلیشی اوچون اطمینان بیریلگن لیگینی بیلدیردی.
15 جولای دولتنی تونتریش تشبثیدن کیین فتح الله چی ترور تشکیلاتی فتو نینگ امریکاده یشه گن باشقروچیسی نینگ ترکیه گه بیریش طلبینی امریکا اداره سیگه تکرار بیلدیریلگنینی افاده ایتگن چاووش اوغلی؛ "تسلیم ایتیلیشنی کوته میز. امریکاده تحقیق باشله تیلیشینی سوره دیک. وقتینچه نظارتگه قوییش کبی اَیریم چاره - تدبیرلر آلینیشینی ایسته دیک ترامپ، بونی کوزدن کیچیریشینی بیلدیردی" دیب سوزله دی.
تشقی ایشلر وزیری سونگی دورلر آلمان بیلن هم رواجلنیب بارگن علاقه لرگه تماس قیلیب اوتدی.
آلمان تینگداشی سیگمیر گبریئل نینگ "ترکیه تهدید قیلماقده" دیگن سوزلریگه قتّيق ناراضی چیلیک کور‌ستگن چاووش اوغلی؛ "آلمان، بیز ترکیه گه قرشی ایسته گنیمیز کبی هرایش قیله میز توشونچه سیدن واز کیچیشی کیره‌ک. ایکّی یوزله مه چی حرکتلرینگیزگه بوی ایگمه یمیز. ترکیه گه خواجعین کبی ایمس دوست کبی یانداشینگیز کیره‌ک" دیب ایتدی.
آلمان باشقرووی نینگ آدانا ده‌گی انجیرلیک حربي قونلغه سیدن عسکرلرینی چیقریش قراری بیلن علاقه لی بیر سوالگه "اوزلری بیله دیلر. کیلدیلر یاردم بیردیک. کیتیشنی ایسته سه لر ایشیکلر آچیق" شکیلده جواب بیردی.
