ترکیه نینگ استانبول ولایتی سلطان غازی منطقه سیده عیال لر نی اذیت قیلگن لیک لری ادعا ایتیلگن افغانستان و سوریه تبعه سی مهاجر لر بیلن منطقه یشاوچی لری آره سیده اوروش بولدی. 

خودی منه شوو اوروش جریانیده ایسه رمضان شاهین (24 یاشیده) اسمی گه ایگه یاش بیر تُرک پیچاق له نیب اولدیریلدی. 

بیراق, رمضان شاهین نی پیچاقله گن کیشی نینگ افغان می یاکه سوریه لیک می ایکن لیگی انیق ایمس. 

مذکور حادثه توناوون کیچه ترکیه وقتی بیلن ساعت 11 (افغانستان وقتی بیلن کیچه ساعت 12 یریم) ده یوز بیردی.

اوشبو کیشی لر آره سیده گی اوروش نینگ آرتیب کیتیشی آرتیدن ایسه, پولیس منطقه ده گی افغان لر نی حادثه محللیدن اوزاق لشتیردی.

اولدیریلگن رمضان شاهین نینگ تاغه سی صالح ارسلان بیرگن بیانات لریده, "اوشبو منطقه ده بونده ی حادثه لر تیز- تیز بولیب توره دی. رخصتی کون لرده عایله میز بیلن بیرگه پارک لر گه باریب اوتیره آلمی میز.  20 الی 30 کیشی لیک بیر شکلده یوره دیلر" دییه قید ایتدی.

پولیس نینگ اوشبو حادثه بیلن علاقه لی تحقیقاتی دوام ایتماقده.    

معلوم بیر مدت آلدین هم ترکیه نینگ قونیه ولایتیده افغان لر بیلن سوریه لیک لر آره سیده گی اوروش عاقبتیده ایککی تاماندن کوپلب کیشی یره لنگن ایدی.