ترکیه باش وزیری بن علی ییلدیریم لندن ده امریکالیک تینگداشی بیلن اوچره شدی
جیم ماتتیس امریکا گه عاید حربي اوچاقده ژورنالیستلر نینگ سواللریگه جواب بیردی
![ترکیه باش وزیری بن علی ییلدیریم لندن ده امریکالیک تینگداشی بیلن اوچره شدی](http://cdn.trt.net.tr/images/xlarge/rectangle/e1fc/0598/2865/59152f6003a93.jpg?time=1718940816)
امریکا قوشمه ایالتلری مدافعه وزیری جیم ماتتیس ترکیه باش وزیری بن علی ییلدیریم بیلن لندن ده عملگه آشیرگن اوچره شووینی مهم، دوستانه و صمیمي دیب بهاله دی.
جیم ماتتیس اوشبو سوزلرنی امریکا گه عاید حربي اوچاقده ژورنالیستلر نینگ سواللریگه جواب بیرر ایکن، تیلگه آلدی.
امریکا قوشمه ایالتلری ترکیه نینگ ترور تشکیلاتی پی کاکا حقیده گی خواطرینی توشونیب ییتگنینی ایتگن ماتتیس ترور تشکیلاتی پی کاکاگه قرشی کوره شده ترکیه نی قوللب قوّتله گنینی بیان ایتدی.
ماتیس، «بو مسئله نینگ عهده سیدن چیقهمیز. ترکیه و ناتو خوفسیزلیگی گه و ترور تشکیلاتی داعش گه قرشی آلیب باریله یاتگن عملیات گه اهمیت بیرگن لیکلرینی بونینگ اوسته سیدن کیلرلیگیدن شبهه قیلمهیمن»، دیدی.
جیم ماتتیس، ترکیه نینگ دشمنی بولگن ترور تشکیلاتی پی کاکاگه هیچ قچان قورال بیریلمه گن لیکلرینی و هیچ قچان بیرمس لیکلرینی ادعا ایتدی.
ترکیه باش وزیری بن علی ییلدیریم لندن ده انگلستان و بیرلشگن ملتلر تشکیلاتی نینگ میزبانلیگیده بولیب اوتگن سومالی کنفراسیگه قتنه شگن ایدی.
مذکور کنفراس دایره سیده امریکا قوشمه ایالتلری مدافعه وزیری ماتتیس بیلن اوچرهشگن ایدی.
صحبت چاغیده، ماتتیس امریکا نینگ ناتو متفقی بولگن ترکیه نی حمایه قیلیشگه صادقلیگینی تیلگه آلگندی.