تورکيه جمهور رئیسی رجب طیب ایردوغان انگلستان باش وزیری ترزا می بیلن تیلفون آرقه لی ملاقات اوتکزدی
بو حقده جمهور رئیسلیک مطبوعات خدمتی نینگ رسمي سایتیده معلوم قیلینگن.
تورکيه جمهور رئیسی رجب طیب ایردوغان انگلستان باش وزیری ترزا می بیلن تیلفون آرقه لی صحبت اوتکزدی.
ملاقاتده ایردوغان بیلن ترزا می ایکّی دولت اورته‌سیده‌گی اوزارا علاقه‌لر بیلن بیر قطارده، بعضی منطقوي مسئله لر بوییچه فکر المشدی.
اولر ترکيه و انگلستان مناسبتلرینی ینه‌ده مستحکملش نینگ اهمیتیگه توخته‌لدیلر.
شونینگدیک، سوريه، قبرس و اروپا اتفاقی کبی مسئلهلرنی محاکمه قیلدیلر.
ترزا می تورکيه بیلن همکارلیکنی بیر قطار ساحه‌لرده چوقورلشتیریش امیدینی تیلگه آلدی.
جمله‌دن، مدافعه ساحه‌سیده ینه هم یقیندن همکارلیک قیلیش تکلیفینی تیلگه آلدی.
ترزا می قبرس مذاکره‌لری حقیده فکر بیلدیرر ایکن، تاریخي شرطنامه توزیش فرصتینی قولدن بای بیرمسلیک اوچون کتّه قدم تشلش کیره‌کلیگینی ایتدی.
سوريه مسئله سی بوییچه آستانه ده اوتکزیلگن مذاکره نتیجه لریدن ممنون ایکنینی تیلگه آلگن ترزا می تورکيه‌نی سوريه مسئله سی بوییچه کورسه‌تگن سعی-حرکتلرینی تقدیرله‌دی.
اونینگ فکریچه، مذاکره‌لر نتیجه‌سیده بشر اسد حکومتدن چیتلشتیریلیشی کیره‌ک و مملکتده کینگ کولملی سیاسي جریان یولگه قوییلیشی کیره‌ک.
ایردوغان بیلن ترزا می جاری ییلی می آیی نینگ آخریده بلجیم نینگ پایتختی بروکسیلده بولیب اوته‌دیگن ناتو جلسه سی چاغیده اوچره‌شیشگه کیلیشیب آلدی.
