استانبول باغازیده باتیب کیتگن روسسيه کیمه سی نینگ پرسونلی تیریکله یین قوتقریلدی
استانبول باغازی نینگ 18 مِیل اوزاقلیگیدهگی کیلاس نامیدهگی تورر-جای منطقهسیگه یقین نقطهده توقنهشیب کیتدی.
استانبول باغازیده باتیب کیتگن روسسيه کیمه سی نینگ پرسونلی تیریکله یین قوتقریلدی
روسیه نینگ «لیمن» دیب ناملنگن تدقیقات کیمه سی تیریک حیوان تشياتگن بیر کیمه بیلن، قاره دینگیزده استانبول باغازی نینگ 18 مِیل اوزاقلیگیدهگی کیلاس نامیدهگی تورر-جای منطقهسیگه یقین نقطهده توقنهشیب کیتدی.
روسیه نینگ تدقیقات کیمه سیدهگی 78 نفر پرسونل دن 63 نفری قیرغاق خوفسیزلیگیدهگی کیمه لر؛ 15 نفری اېسه تاگا بیراقلی کیمه تامانیدن قوتقریلدی.
یاردم طلبیگه قرشی قیرغاق خوفسیزلیگی باش دیرېکتورلیگی بوکسیر و قوتقروو کیمه لری بیلن ایشگه توشدی و قیسقه وقت ایچیده واقعه جاییگه ییتیب باردی.
آرتیدن روسیه نینگ کیمه سی سووگه باتیب کیتدی.
تورکيه جمهوریتی ترانسپورت، دېنگیزچیلیک و علاقه وزیری احمد ارسلان حادثه نینگ منطقهدهگی قلین تومن یوزهسیدن کیلیب چیققن لیگینی قید ایتر ایکن، قوتقریلگن پرسونل نینگ احوالی نینگ یخشی اېکن لیگینی معلوم قیلدی.
پرسونل لر کیره کلی کنترول نینگ آرتیدن روس حربي بیرلیکلریگه تاپشیریله دی.
چوکیب کیتگن کیمه یوزهسیدن دېنگیز نینگ کیرلنمهگن لیگی انیقلندی.
باش وزیر بن علی ییلدیریم روسیهلیک تینگداشی دمیتري میدویداوف گه مکتوب یوللب، واقعهدن قیغولنگن لیگینی ییتکیزدی.
روسیه باش وزیری دمیتري میدویداوف هم تورک رسميلری آلیب بارگن فعالیت آرقهلی حربي کیمه دهگی 78 پرسونل نینگ تیریک قالگن لیگینی بیلدیریب، بو نینگ اوچون باش وزیر بن علی ییلدیریم گه منّتدارچلیک بیلدیردی.