ایردوغان: دونالد ترامپ بیلن اوچره شوونینگ آرتیدن گوزه ل ایشلر عملگه آشیره میز

ایردوغان: دونالد ترامپ بیلن اوچره شوونینگ آرتیدن گوزه ل ایشلر عملگه آشیره میز

ترکیه جمهور رئیسی رجب طیب ایردوغان، A News تلویزیون کانالیده امریکا قوشمه ایالتلری دولت باشلیغی دونالد ترامپ بیلن 16-17 نچی می تاریخلریده واشنگتن ده اوچره شرلیگینی بیان ایتدی.

فتح الله چی ترور تشکیلاتی نینگ باشقرووچیسی نینگ تسلیم ایتیلیشی توغریسیده واشنگتن اداره چی لری نینگ ایسکی دولت رئیسی بارک اوباماگه کوره کوپراق صمیمی ایکن لیگینی اورغوله گن ایردوغان، "پنسیلوانیادن 170 اولکه نی اداره قیلماقده من دیگن بو آدم دن حسابینی سوره یدیلر"دیدی.

ترکیه ده بولیب اوتگن 16 – اپریل رای گیرلیگی نتیجه سیده قبول بولگن ینگی حکومت تیزیمی نینگ 2019 – ییلی عملی بولیب باشلرلیگینی معلوم قیلیب، بونینگ رژیم اوزگریشی ایمس ایکن لیگینی تکرارله دی.

سونگی پیتلرده گی غرب نینگ ترکیه گه قره ته یانداشووی بیلن علاقه لی اوله راق اروپا اولکه لری نینگ سرعتلی بیر شکلده نازیزم و فاشیزم گه قره ب بارگن لیگینی افاده ایتدی.

اروپا خوفسیزلیک و همکارلیک تشکیلاتی نینگ ترکیه گه یوبارگن ناظر هیأتی بیلن تیکشیروو جریانیدن آلینگن بیر قطار عکس لرنی کورساتیب، ناظرلرنینگ جدائی طلب ترور تشکیلاتی پی کاکا بیلن ایچمه – ایچ ایکن لیگینی ایتدی و اروپا بیرلیگی نینگ اعتبارینی قولدن بیرگن لیگینی بیلدیردی.

تروریزم گه قرشی ترکیه نینگ قاطعانه بیر شکلده کوره شیب تورگن لیگینی اورغوله گن ایردوغان، 20 آی جریانیده تقریباً 11 مینگ تروریست جنگریسی نینگ اولدیریلگن لیگینی بیلدیردی.

ترکیه بیلن اروپا بیرلیگی آره سیده گی بحران بیلن علاقه لی اوله راق ایردوغان، بیرلیک نینگ اولاً ایککی یوزلی لیک، یاغلان چیلیک نی ترک ایتیب درست بولیشی کیره ک. کیره ک بولگنده ترکیه ده اروپا بیرلیگی اعضالیگی بیلن تیگیشلی خلق رای گیرلیگی گه کیتیش نینگ ممکن ایکن لیگینی ایتدی.

ایردوغان؛

"54 ییل بوییچه بیز اروپا بیرلیگی بیلن می حیات کیچیردیک؟ بیز اروپا بیرلیگی بیرگن نرسه بیلن می ایاققه توخته دیک؟ سونگی 13-14 ییل جریانیده ترکیه 3 قات وسعت قیلدی. اولرنینگ حمایه سی بیلن می توسعه قیلدیک؟ ترکیه ایندی اوز تقدیرینی اوزی تعیین ایتیش امکانیتی و کوچی گه ایگه دیر." دیدی.   

اروپا بیرلیگینی صمیمی بولیش گه دعوت قیلگن ایردوغان،

"سیز تروریستلردن راپور تیارلاوچی ایجاد ایتماقده سیز، اولرگه راپور تیار قیلدیرماقده سیز. بونقه بیر یانداشوو بیز تامان قبول قیلینمه یدی و بوگونگچه تیار قیلگن راپورلرینگیز همه سی آیدیولوژیک دیر، سیاسی دیر. بو کبی آیدیولوژیک راپورلر بیلن ترکیه نی محکوم ایتماقچی بولدینگیز. بوندن کیین گی جریان بو شکلده کیتمه یدی" دیدی.