پوتین اردوغان گه اوز تبریک لری نی بیلدیردی
روسیه دولت رهبری ولادیمیر پوتین, اپریل آیی نینگ 16 نچی کونیده بولیب اوتگن رفراندوم نینگ نتیجه سی سببلی ترکیه جمهوریتی جمهوررئیسی رجب طیب اردوغان گه اوز تبریک لری نی بیلدیردی
روسیه دولت رهبری ولادیمیر پوتین, اپریل آیی نینگ 16 نچی کونیده بولیب اوتگن رفراندوم نینگ نتیجه سی سببلی ترکیه جمهوریتی جمهوررئیسی رجب طیب اردوغان گه اوز تبریک لری نی بیلدیردی.
ترکیه جمهوررئیس لیگی منبع لری, پوتین نینگ اردوغان گه قونگغراق قیلیب اساسی قانون نینگ ایریم ماده لری نینگ اوزگریشی بیلن علاقه لی بولیب اوتگن رفراندوم نتیجه سی نینگ مثبت بولگن لیگی سببلی اوز تبریک لری نی بیلدیرگن لیگی نی معلوم قیلدی.
عینی دمده اوشبو صحبت جریانیده ترکیه بیلن روسیه آره سیده گی مناسبت لرنینگ عادی له شیشی دن تشقری, سوریه ده تینچ لیک نینگ تامین ایتیلیشی توغری سیده ایککی اولکه نینگ مشترک سعی و حرکت لری باره سیده هم بحث ایتیلگن لیگی بیلدیریلدی.
بوندن تشقری رفراندوم نتیجه سی سببلی, سلوانیا, مقدونیه و آلبانیا جمهوررئیس لریدن تشقری لبنان باش وزیری نینگ هم جمهوررئیسی اردوغان گه قونگغراق قیلیب اوز تبریک لری نی بیلدیرگن لیک لری قید ایتیلدی.
عراق نینگ شمالی ده گی محللی رهبریت نینگ باشلیغی مسعود بارزانی هم, جمهوررئیسی اردوغان و ترکیه جمهوریتی باش وزیری بنعلی ییلدیریم گه اوشبو خصوصده اوز تبریک لری نی بیلدیردی.
