ترکیه باش وزیری: همه بیلسین که بیر ملت میز

ترکیه جمهوریتی باش وزیری بنعلی ییلدیریم رفراندوم نتیجه سی نینگ مثبت چیقیشی آرتیدن بیرگن بیاناتلریده, "همه بیلسین که بیر ملت میز" دییه قید ایتدی. 

باش وزیر ییلدیریم, ترک خلقی نینگ جمهوررئیس لیگی سیستمی گه مثبت رای بیرگن لیگی نی بیلدیردی. 

ییلدیریم, سوز لری نینگ دوامیده, "ترکیه شونده ی قیلیب هیچ بیر تهدید و هیچ بیر خارجی مداخله گه بوین ایگمیدیگن لیگی نی کورسه تیب بیردی" شکلیده دوام ایتتیردی.

عینی دمده باش وزیر بنعلی ییلدیریم ترکیه ده یشیتگن انسان لرنینگ همه سی نینگ قرداش ایکن لیگی نی معلوم قیلدی. 

ییلدیریم, ترکیه گه مخالفت بیلدیرگن ایریم خارجی اولکه لرنینگ ترکیه ده رفراندوم نتیجه لری نی کوریشی آرتیدن قنچه ناتوغری بیر یولده ایکن لیگی نی درک ایتگن لیگی نی بیلدیردی.

عینی دمده باش وزیر ییلدیریم, ترکیه ده اوشبو رفراندوم دایره سیده مثبت یاکه منفی رای بیرگن کیشی لرنینگ همه سی نینگ قرداش ایکن لیک لری نی معلوم قیلدی.

ییلدیریم, رفراندوم نتیجه سی نینگ ترک ملتی اوچون خیرلی بولیشی نی آرز ایتیب قالرایکن, سیلاو کمپاین لری جریانیده عیالی داخل اونینگ بیلن همکارلیک قیلگن برچه کیشی لرگه اوز منتدارچیلیک لری نی بیلدیردی. 

بنعلی ییلدیریم سوز لری نی ینه قرداش لیک پیاملری بیلن اداغگه ییتیشتیردی. 

ترکیه ده بوگون اساسی قانون نینگ ایریم ماده لری گه اوزگریش کریتیلیشی توغری سیده بیر رفراندوم بولیب اوتدی. 

خودی منه شوو رفراندوم نتیجه سیده اساسی قانون اوزگریشی رسمی بولمه گن رقم لر گه کوره 51,20 فایز مثبت رای بیلن قبول قیلیندی.