جمهوررئیسی اردوغان رفراندوم نتیجه سی نی بهالنتیردی

ترکیه جمهوریتی جمهوررئیسی رجب طیب اردوغان ترکیه ده اساسی قانون نینگ ایریم ماده لری نینگ اوزگرتریلیشی گه تیگیشلی بولیب اوتگن رفراندوم نینگ نتیجه سی نی بهالنتیردی. 

جمهوررئیسی اردوغان اوشبو رفراندوم جریانیده رای بیرگن همه گه اوز منتدارچیلیک لری نی بیلدیردی.  

اردوغان, ترکیه نینگ شرقی و جنوبشرقی آنادولو منطقه لریده گی رای میزانی نینگ اینیقسه انچه مهم ایکن لیگی نی بیلدیررایکن, اوشبو منطقه لرده رای میزانی نینگ 10 الی 20 فایز مقیاسیده آرتیب کیتگن لیگی نی معلوم قیلدی. 

جمهوررئیسی اردوغان, ترکیه ده آلدین هم اساسی قانون گه ایریم اوزگریش لر نینگ کریتیلگن لیگی نی معلوم قیلرایکن, اوشبو اوزگریش لر نینگ کودتا لر دوریده کریتیلگن لیگی گه دقت قره تدی. 

جمهوررئیسی اردوغان اپریل آیی نینگ 16 نچی کونیده بولیب اوتگن بو گلگی رفراندوم نینگ ایسه سیاسی اراده نینگ کورستگیچی ایکن لیگی نی بیلدیردی.   

جمهوررئیسی اردوغان, اوشبو رفراندوم بیلن اجرائیه, قضائیه و مقننه ارگان لری نینگ فعالیت لری نینگ بیر بیر لریدن اجره له دیگن لیگی نی بیلدیررایکن, ایندی همه سی نینگ اوز ایشی نی قیله دیگن لیک لری نی معلوم قیلدی. 

عینی دمده جمهوررئیسی اردوغان, اوشبو رفراندوم نینگ نتیجه سی نینگ مثبت یاکه منفی رای بیرگن همه نینگ کامیاب لیگی دن عبارت بولگن لیگی نی بیلدیردی. 

چیت ایل لرده یشیتگن ترک لرنینگ اوشبو رفراندوم آلدی دن انچه قیین چیلیک لر گه دوچ کیلیب قالگن لیک لری گه قره مسدن, جدی بیر شکلده کوره ش آلیب بارگن لیک لری نی بیلدیررایکن, ایندی اولر نینگ اوشبو سعی و حرکت لری نینگ مثبت نتیجه سی نی کوره دیگن لیک لری معلوم قیلدی. 

عینی دمده جمهوررئیسی اردوغان, میلادی 2019 نچی ییلیده بولیب اوته دیگن جمهوررئیس لیگی سیلاو لریده کاندید بوله دیگن کیشی لر نینگ تیارگرلیک لری نی قیلیشی کیره ک ایکن لیگی نی معلوم قیلرایکن, اوشبو کیشی لرنینگ قوریق شعار لر اورنی گه عملی پلان لری بیلن خلق نینگ رایی نی کسب ایتیش گه حرکت ایتیشی کیره ک ایکن لیگی نی بیلدیردی. 

جمهوررئیسی اردوغان سوز لری نینگ دوامیده متفق اولکه لر و باشقه اولکه لر گه پیام بیردی. 

اردوغان, ایندی اوشبو اولکه نینگ تروریزم گه قرشی کوره ش توغری سیده ترکیه بیلن همکار بولیشی کیره ک ایکن لیگی نی بیلدیردی.