تورکیه – لبنان تشقی ایشلر وزیرلری اوزارا اوچره شوو اوتکزدی

تورکیه جمهوریتی تشقی ایشلر وزیری خاقان فیدان، لبنان تشقی ایشلر و کوچمنلر وزیری عبدالله بوحبیب بیلن اوچره‌شدی.

خاقان فیدان بیلن بوحبیب بیرلشگن ملتلر تشکیلاتی نینگ 79- کینگش ییغیلیشی گه قتنه‌شیش اوچون بارگن نیو-یورکده گی تورک اوییده اوچره‌شوو اوتکزدی.

تشقی ایشلر وزیرلیگی منبعلریگه کوره‌، بوحبیب اوچره‌شووده کسبداشی فیدان گه مملکتیده‌گی وضعیت حقیده معلومات بېردی.

بوحبیب، شونینگدېک، تورکيه تامانیدن لبنانگه توناون کونی‌ اېرته‌لب یوباریلگن دارو-درمان یاردمی اوچون منّتدارچیلیک بیلدیردی.

وزیر فیدان اېسه اسرائیل نینگ لبنانگه قرشی هجومی نینگ قبول قیلینیشی ممکن اېمسلیگینی، اسرائیل نینگ منطقه‌نی خوف-خطرگه آلیب باریشگه اورینه‌یاتگنینی تأکیدله‌دی.

فیدان، تورکيه‌ نینگ لبنان نینگ یانیده اېکنینی بیلدیرر اېکن، خلق‌ارا همجمعیت نینگ بیرلشیب حرکت قیلیشی کېره‌کلیگینی ایتدی.