اردوغان: هالند رژیمی فاشیست

ترکیه جمهوریتی جمهوررئیسی رجب طیب اردوغان هالند گه قتتیق عکس العمل کورستدی. 

اردوغان, ترکیه جمهوریتی تشقی ایشلر وزیری مولود چاووش اوغلی نینگ طیاره سی نینگ قونیش اجازتی نینگ هالند تامانیدن کنسل قیلینگن لیگی گه تیگیشلی, "هالند نینگ برچه توسیق لری گه قره مسدن, هالند ده یشیتگن ترک لر ترکیه ده اساسی قانون نینگ اوزگرتریلیشی خصوصیده بولیب اوته دیگن رفراندومده مثبت رای بیره دیلر" دییه قید ایتدی. 

جمهوررئیسی اردوغان, استانبولده بیرگن بیاناتلریده اوشبو خصوصده گی سوزلرینی, "سیز باسیم لرینگیز و تروریست لر بیلن همکارلیگینگیزنی دوام ایتتیره ویرینگ.  بولر نینگ همه سی سیز گه اوزی نینگ منفی تاثیری نی کورسه ته دی.  خودی منه شوو سیاست لر گه قرشی رفراندوم نینگ بولیب اوته دیگن اپریل آیی نینگ 16 نچی کونیدن کیین اقدام قیلیب باشلیمیز.  بوندن کیین سینینگ طیاره لرینگ قنده ی قیلیب ترکیه گه کیله دی؟ البته دیپلماسی باره سیده بحث ایتماقده من.  هالند تبعه لری نینگ سیاحتی ایمس.  بولر, سیاست و خلق ارا علاقه لر باره سیده معلومات ایگه سی ایمس.  بولر, بو طریقه قورقاق کیشی لر دن عبارت.  بولر, نازی قالدیق لری و فاشیست لر دن عبارت" شکلیده دوام ایتتیردی. 

ترکیه جمهوریتی باش وزیری بنعلی ییلدیریم هم بیرگن بیاناتلریده, هالند نینگ اوشبو ایشی نینگ دوست لیک و متفق لیک گه اویغون ایمس لیگی نی بیلدیردی. 

ترکیه نینگ هالند نینگ سیلاو لری گه اره لشمه گن لیگی نی, بیراق, ترور تشکیلاتی پی کا کا طرفدارلری و فتح الله چی ترور تشکیلاتی کبی ترکیه گه مخالف بولگن تامان لر نینگ هالند طرفیدن کوتیب آلینگن لیگی نی بیلدیرگن باش وزیر بنعلی ییلدیریم, "بونده ی قیلمنگیز لر. بو دوست لیک گه اویغون ایمس.  ترکیه نینگ دشمن لری بیلن دوست لیک قیله دیگن لر, ترکیه نینگ دشمن لریدن عبارت.  ای اوروپا, لطفاً ترکیه نینگ ایچکی ایش لری گه اره لشمه.  اوشبو خصوصده طرف بولمنگ" دییه قید ایتدی. 

هالند نینگ اوشبو سیاستی نی تنقید قیلگن باش وزیر اورینباسری نعمان کورتولموش هم, "اوروپا نینگ هر جاییده فاشیزم اوج آلیب باشله دی.  اوشبو وضعیت اوروپا نینگ کیله جگی جهتی دن کتته بیر خطر دن عبارت.  خودی منه شوو اشتباه لری نی زود لیک بیلن درک ایته دیگن لیک لری نی امید ایتیب قاله من" دییه قید ایتدی.

کورتولموش, اوز سوز لری نی, "ترکیه اوشبو سیاست لر گه قرشی البته که کیره کلی جواب نی بیره دی" شکلیده دوام ایتتیردی. 

ترکیه جمهوریتی نینگ اوروپا بیرلیگی وزیری عمر چیلیک ایسه, هالند نینگ اوشبو سیاستی نینگ هالند دموکراسی سی نینگ قاره لکه سیدن عبارت ایکن لیگی نی بیلدیردی. 

جمهوریت خلق حزبی نینگ رهبری کمال قلیچداراوغلی, هالند نینگ اوشبو سیاستی نینگ ناتوغری بیر سیاست دن عبارت ایکن لیگی نی بیلدیررایکن, "دموکراسیدن دفاع قیلیتگن تامان لرنینگ بونده ی بیر سیاست آلیب باریشی ممکن ایمس.  بیر تاماندن اوزینگیز نی دموکرات دیسیز, باشقه بیر تاماندن ایسه ترکیه جمهوریتی نینگ بیر وزیری نینگ طیاره سی نینگ اوچیش اجازتی نی کنسل قیله سیز.  اوشبو سیاست جوده هم ناتوغری بیر سیاست دن عبارت" دییه قید ایتدی. 

عینی دمده, هالند نینگ انقره شارژدافیری تشقی ایش لر وزیرلیگی گه چقیریلیب هالند نینگ خودی منه شوو سیاستی نینگ ناتوغری بیر سیاست دن عبارت ایکن لیگی بیلدیریلدی. 

ترکیه جمهوریتی تشقی ایشلر وزیری مولود چاووش اوغلی, ترکیه ده اپریل آیی نینگ 16 نچی کونیده اساسی قانون نینگ اوزگرتریلیشی بیلن علاقه لی بولیب اوته دیگن رفراندوم توغری سیده صحبت ایتیش اوچون هالند گه سفر قیلماقچی ایدی.  بیراق, هالند حکومتی, چاووش اوغلی نینگ طیاره سی نینگ قونیش اجازتی نی کنسل قیلدی. 

هالند تشقی ایش لر وزیرلیگی چاووش اوغلی نینگ تحریم سوز لری و خوف سیزلیک معما لری سببلی بونده ی بیر سیاست آلیب بارگن لیک لری نی معلوم قیلدی. 

چاووش اوغلی, آلدین پلانلنگن مراسم نینگ کنسل قیلینیشی آرتیدن بو آقشام روتردام باش قونسلگرلیگی مهمانخانه سیده صحبت قیلیش نی ریجه له ماقده ایدی. 

چاووش اوغلی, آلدین بیرگن بیاناتلریده, "اوشبو سفریم سببلی روابطی میز بوزیلیب قالسه قالسین" دییه قید ایتگن ایدی.

عینی دمده چاووش اوغلی, باریشی گه مانع بولینیشی تقدیرده, هالند گه قرشی آغیر بیر شکلده تحریم لرنینگ بحث موضوعی بوله دیگن لیگی نی معلوم قیلگن ایدی. 

بوندن تشقری ترکیه جمهوریتی عایله و اجتماعی سیاستلر وزیری فاطمه بیتول سایان قایا نینگ هم آلمان ده گی بیر صحبتی کنسل قیلیندی. 

اوشبو قرار نینگ سببی اوله راق ایسه, قایانینگ صحبت قیله دیگن سالون نینگ, فقط گینه یکشنبه و رخصتی کونلرده آچیق ایکن لیگی کورسه تیلدی.