ترکیه: بیرلشگن ملتلر تشکیلاتی نینگ ساختاری اوزگرسین

ترکیه جمهوریتی باش وزیری بنعلی ییلدیریم, بیرلشگن ملت لر  تشکیلاتی عمومی منشی سی انتونی گوتریس نی قبول قیلدی. 

استانبولده مطبوعات گه یاپیق بیر شکلده بولیب اوتگن اوشبو اوچره شوو بیر ساعت و 20 دقیقه دوام ایتدی. 

ییلدیریم بیلن گوتریس اوشبو اوچره شوو آرتیدن مشترک بیر مطبوعاتی کنفرانس ترتیب له دیلر. 

ییلدیریم, "دنیا ده گی معما لر, مهاجر لرنینگ قیین چیلیک لری و منطقه مقیاسیده گی کیلیشموچیلیک لرنینگ برطرف ایتیلیشی اوچون بیرلشگن ملت لر تشکیلاتی نینگ مهم بیر رول ایگه سی بولیشی مقصدی بیلن اوشبو تشکیلات نینگ ساختاریده ریفورم قیلینیشی کیره ک ایکن لیگی نی اویله ماقده میز" دییه قید ایتدی. 

ییلدیریم, ترکیه نینگ کوپلب ساحه لر ده بیرلشگن ملت لر تشکیلاتی نینگ تینچ لیک فعالیت لری گه حصه قوشیب کیلگن لیگی گه دقت قره تدی. 

عینی دمده ییلدیریم, "استانبول نینگ بیرلشگن ملتلر تشکیلاتی نینگ مرکزی گه ایلنتیریلیشی فکری گه هم ترکیه کتته اهمیت بیرماقده" دییه قید ایتدی. 

بوندن تشقری ییلدیریم, قبرس ده دوام ایتیب کیلیتگن تینچ مذاکره لری پروسه سی باره سیده هم معلومات بیردی.

ییلدیریم, "اساسی موضوع قبرس ترک خلقی نینگ کیله جگی نینگ گرنتی ایتیلیشی و کوتیلمه گن یمان بیر حادثه نینگ یوز بیرمس لیگی دن عبارت.  عینی دمده اوشبو ارالده قوریله دیگن ینگی رهبریتده عادلانه, تینگ و ایککی تامان نینگ هم نماینده لیک ایتیله دیگن بیر ساختار نینگ تشکیل ایتیلیشی اینگ اساسی شرط نی تشکیل ایتماقده" دییه قید ایتدی. 

ییلدیریم, مهاجر لرنینگ معما لری نینگ ییچیلیشی نینگ اینگ اساسی یولی نینگ خوف سیز بیر منطقه نینگ تشکیل ایتیلیشی دن عبارت ایکن لیگی نی بیلدیردی.

باش وزیر ییلدیریم, جولای آیی نینگ 15 نچی کونیده کودتا تشبثی و مسئول لری حقیده معلومات بیرگن لیگی نی بیلدیررایکن, اوشبو دایره ده بیرلشگن ملت لر تشکیلاتی نینگ هر قنده ی بیر رول ایگه سی بولیشی نینگ ممکن ایکن لیگی یاکه ایمس لیگی خصوصی نی هم بهالنتیردی. 

گوتریس هم, "همه دروازه لری نی یاپیب قویرایکن, سیز ایسه 3 میلیون مهاجر نی بغرینگیز گه باسدینگیز.  شوباعث بیرینچی بولیب ترکیه گه کیلدیم" دییه قید ایتدی. 

گوتریس, ترکیه نینگ سوریه مسئله سی توغری سیده گی آستانه مذاکره لری بوییچه اوته مهم بیر رول گه ایگه ایکن لیگی نی هم ایسله تیب اوتدی.