ترکیه باش وزیری امریکا دولت باشلیغی اورین باسری بیلن اوچره شدی
تیلفون آرقه لی صحبت عملگه آشیردیلر
ترکیه باش وزیری امریکا دولت باشلیغی اورین باسری بیلن اوچره شدی
باش وزیر بن علی ییلدیریم، امریکا قوشمه ایالتلری دولت باشلیغی اورین باسری مایک پنس بیلن تیلفون آرقه لی صحبت عملگه آشیردی.
اوچره شوونینگ صمیمی بیلن فضاده بولیب اوتگن لیگی عسکری، خوفسیزلیک و تروریزم گه قرشی کوره ش موضوع لری توغریسیده صحبت عملگه آشیریلگن لیگی بیلدیریلدی.
خودی شو اوچره شووده ایککی اولکه آره سیده گی همکارلیک نینگ کیلگوسی جریانده کوپراق بولیشی و سوئ تفاهم لرنینگ برطرف ایتیلیشی توغریسیده همفکر بولگن لیکلری معلوم قیلیندی. پنس نینگ ترکیه امریکا قوشمه ایالتلری مناسبتی اوچون "ینگی بیر کون" دیب، افاده ایتگن لیگی قید ایتیلدی.
امریکا قوشمه ایالتلری دولت باشلیغی اورین باسری عین دمده تناون کون سوریه نینگ الباب منطقه سیده شهید بولگن ترک عسکرلری اوچون تسلیت بیلدیرگن لیگی، تروریزم گه قره ته کوره ش بوییچه ترکیه نینگ یانیده ایکنلیکلرینی اورغوله گن.
باش وزیر ییلدیریم، پنس گه تسلیت بیلدیرگن لیگی اوچون تشکر ایتگن لیگی و ینگی وظیفه سینی تبریک ایتگن لیگی بیلدیریلدی.
ییلدیریم، ترکیه نینگ بعضی بیر منطقوی موضوعلرده ینگی اداره بیلن همکارلیک ایچیده فعالیت آلیب بارماقچی ایکن لیکلرینی ایتگن.
