استانبول ده گی ترور حادثه سی دنیا مقیاسیده قاره لندی

استانبول ده گی ترور حادثه سی دنیا مقیاسیده قاره لندی

39 کیشی اولیب، 4 ته سی وخیم 65 نفر یره لنگن هجوم حادثه سینی دنیا محکوم ایتدی. نشر ایتیلگن پیاملرده ترکیه بیلن بیردم لیک ایچیده ایکن لیکلری و خلق ارا ترورگه قرشی کوره ش نینگ اهمیتی گه تماس ایتیلگن.

امریکا قوشمه ایالتلری دولت باشلیغی بارک اوباما، معصوم انسانلرنینگ حیاتینی ییترگنلیگی اوچون اچینگن لیگینی معلوم قیلیب، اولگن لرنینگ عائله لریگه تسلیت بیلدیرگن.

اوباما ضرور کوریلگنده ترکیه لیک اداره چیلرگه همکارلیک قیلیش لری اوچون تیگیشلی اداره لرگه امر قیلگن لیگی تذکر بیریلدی.

آق اوی ملی خوفسیزلیک شوراسی سوزلاوچیسی ند پریس بیر بیاناتیده "امریکا قوشمه ایالتلری استانبول ده گی ترور حادثه سینی اینگ قتیق شکلده قاره له ماقده دیر. " عین دمده ناتو اعضاسی متفق ترکیه بیلن هر تولی ترورگه قرشی بیردم لیک ایچیده ایکن لیکلرینی اورغوله دی.

روسیه دولت رئیسی ویلادیمیر پوتین هجوم باعث جمهور رئیس رجب طیب ایردوغانگه پیام آرقه لی تسلیت بیلدیردی.  

کرملین تامانیدن بیریلگن بیاناتگه کوره پوتین اوز پیامیده؛

ینگی ییل نی قوتلاو جریانیده معصوم انسانلرنی اولدیریشدن باشقه یمان گناه یوقدیر. بیراق انسانی و اخلاقی ارزش اصطلاح سی تروریستلرده یوقدیر. مشترک وظیفه میز هجومچی تروریستلرگه قره ته قاطعانه بیر شکلده جواب بیریش دیر، دیدی.

روسیه باش وزیری دیمیتری مدودوف هم باش وزیر بن علی ییلدیریم گه قونغراق قیلیب تسلیت بیلدیردی.

مدودوف هر قنده ی ترورگه قرشی ترکیه نینگ ترورگه قرشی مجادله سیده کوچلی بیر شکلده همکارلیک قیلرلیکلرینی بیلدیردی.

شمالی قبرک ترک جمهوریتی جمهور رئیسی مصطفی آقینچی هم نشر قیلگن پیامیده دیسکاتیکده معصوم انسانلرگه قره ته اویوشتیریلگن وحشیانه هجومنی محکوم ایتماقده میز. اولگن لرنینگ عائله لریگه تسلیت بیلدیره میز، دیب ایتگن.

آذربایجان جمهور رئیسی الهام علی یف هم جمهور رئیس ایردوغانگه تسلیت پیامی یوباردی.

مذکور هجوم نینگ آذربایجان ترکلریگه چقور بیر شکلده تأثیر قالدیرگن لیگینی معلوم قیلیب، تروریزم گه قرشی اینگ قتیق شکلده کوره شیش نی حمایه قیلرلیکلرینی بیان ایتدی.

فرانسه جمهور رئیسی فرانسوا اولند هم ترقتگن تحریری بیاناتیده حادثه نی قاره له دی. فرانسه بو حادثه قرشیسیده ترکیه نینگ یانیده دیر، متفق لری بیلن بیرگه لیکده بو بلاگه قرشی بی رحمانه بیر شکلده کوره شه دی، دیدی.

اسرائیل جمهور رئیسی رئوبن ریولین اوز تیویتر حسابی آرقه لی ترکچه و انگلیسچه اوله راق حادثه نی قاره له دی.

ریولین قلبیمیز ترک خلقی بیلن دیر. بو هجوم انسان لیککه قرشی عملگه آشیریلگن دیر. اولگنلرنینگ عائله لریگه تسلیت بیلدیره من دیب ایتگن.

ناتو عمومی منشیسی جنز استولتنبرگ ایسه اجتماعی ترماغ آدرسی آرقه لی "2017 نچی ییل استانبول ده استراتیژیک باشلنغیچ. قلبیم ینگی ییل نی قوتلاویده انسانلرگه قره ته هجومده اولگنلر بیلن و ترکیه خلقی بیلن دیر" دیدی.

اروپا بیرلیگی تشقی ایشلر و خوفسیزلیک سیاستی یوکسک نمانیده سی فدریکا مگرینی 2017 نچی ییل نینگ استانبول ده بیر هجوم بیلن باشلنگن لیگینی معلوم قیلیب، قلبیم حیاتینی ییتیرگنلر و عائله لری بیلن. بو کبی حادثه لرنی برطرف ایتیش اوچون فعالیت آلیب باریشگه دوام ایته میز، دیدی.