جاری آیده ترک لر نینگ ویزه سیز اوروپا گه سفر قیلیب باشلش لری ممکن

جاری آیده ترک تبعه لری نینگ ویزه سیز بیر شکلده اوروپا گه سفر قیلیب باشله شی ممکن. 

اوشبو ادعا, آلمانده باسیلیب چیقه دیگن دای دیلت روزنامه سی تامانیدن مطرح قیلیندی. 

روزنامه, انقره بیلن بروکسل رهبریتی نینگ ترک تبعه لری نینگ ویزه سیز بیر شکلده اوروپا گه سفر قیلیش لری اوچون اوز ارا صحبت ایتگن لیک لری نی بیلدیررایکن, اوشبو خصوصده کیله جک آیده موافقت تامین ایتیله دیگن لیگی نی ادعا ایتدی. 

هفینگتن پُست نینگ آلمان تیلی ده گی سایتیده ایسه, ترک تبعه لری نینگ ویزه سیز بیر شکلده اوروپا گه سفر قیلیش لری اوچون انیق بیر پلان نینگ موجود ایکن لیگی نی بیلدیررایکن, کیله جک هفته دن اعتباراً اوشبو پلان نینگ تطبیق ایتیلیب باشله شی نینگ کوتیلیتگن لیگی نی معلوم قیلدی.  

عینی دمده دای ویلت بیلن مصاحبه قیلگن اوروپا بیرلیگی نینگ یوقاری مرتبه لیک بیر نفر مسئولی, ترک لرنینگ ویزه سیز بیر شکلده اوروپا گه سفر قیلیش لری احتمالی نینگ جوده یوقاری ایکن لیگی نی بیلدیردی.  

اوشبو خصوصده گی اوچره شوو لرنینگ چهارشنبه کونی بروکسلده ترکیه جمهوریتی اوروپا بیرلیگی وزیری عمر چیلیک, اوروپا بیرلیگی کمیسیونی باشلیغی نینگ اورینباسری فرانز تیمرمانس, اوروپا بیرلیگی کوچ مسئولی دیمیتریس آوراموپولوس و خوف سیزلیک مسئولی جولیان کینگ آره سیده باشلیدیگن لیگی بیلدیریلماقده.  

تمان لرنینگ اوز ارا کیلیشیب آلیشی تقدیرده, تیمرمانس کیله جک هفته ده انقره گه سفر قیله دی.  

اوروپا کینگشی هم ترک تبعه لری نینگ اوروپا گه ویزه سیز بیر شکلده سفر قیلیش لری نی حمایه لیتگن لیک لری نی بیلدیره دی. شونده ی قیلیب کینگش, اوروپا کینگشیده اوشبو خصوصده بولیب اوته دیگن ییغیلیش اوچون زمینه یره تگن بوله دی. 

اوشبو پروسه آرتیدن ایسه دولت و حکومت باشلیق لری نینگ کیله جک آیده گی ییغیلیش لریده آلینه دیگن قرار لر خصوصیده اوروپا پارلمانیده بیر ییغیلیش اوته دی.