اوقوتوچیلر کونی مناسبتی ترکیه جمهوررئیسی نینگ پیامی

ترکیه جمهوریتی جمهوررئیسی رجب طیب اردوغان اوقوتوچی لر کونی مناسبتی بیلن بیر پیام ترقتدی.   

اوشبو مناسبت بیلن دولت نینگ باشقه یوقاری مرتبه لیک مقاملری هم پیام ترقتدی.

ترکیه جمهوریتی جمهوررئیسی رجب طیب اردوغان, اوز پیامیده, ترکیه نینگ میلادی ۲۰۲۳ نچی ییلی هدف لری نینگ فقط گینه شعورلی, عالی معلومات ایگه سی, ملی و معنوی ارزش لر گه اهمیت بیره دیگن نسل لر بیلن قول گه کریتیلیشی نینگ ممکن ایکن لیگی نی بیلدیردی. 

ترکیه ده معارف برنامه لری باره سیده ینه بیر بار باش قاتیریله دیگن لیگی نی بیلدیرگن اردوغان, "اولاد لری میز اوزاق ییل لر دن بیری سیاسی و آیدیولوژیک جهت دن اوزی گه خاص بیر تعلیمی سیستم گه دوچ کیلیب قالگن وضعیتده" دییه قید ایتدی. 

اردوغان اوشبو پیامیده گی سوز لری نی, "بیز نینگ, "بیر حرف اورگتگن کیشی نینگ قیرق ییل برده سی بولی", دیگن بیر گپی میز بار.  شونده ی بیر ملت نینگ فرد لری صفتیده, اوقوتوچی لرنینگ بیز لر گه قیلگن خدمت لری اوچون قنچه لیک منتدار بولسک هم ییترلیک ایمس لیگی نی بیله میز.  اولکه میز نینگ اینگ چیککه حدود لریده هم فداکارانه بیر شکلده وظیفه اجرا ایتیتگن اوقوتوچی لری میز نی حمایه ایتیش و اولرنینگ ایش شرایطی نی یخشی لشتیریش گه قرار لی میز" شکلیده دوام ایتتیردی. 

پیامیده اوقوتوچی لرنینگ ترکیه نینگ رواجله نیشی بوییچه رولی خصوصیده بحث ایتگن جمهوررئیسی اردوغان, "نوامبر آیی نینگ ۲۴ نچی کونی یعنی اوقوچی لر کونی مناسبتی بیلن برچه اوقوتوچی لر گه منتدارچیلیک بیلدیره من" دییه قید ایتدی. 

ترکیه جمهوریتی معارف وزیری عصمت ییلماز ایسه, اوز پیامیده, اوقوتوچی لرنینگ بیر مدنیت و فرهنگ نینگ اساسچی لری دن عبارت ایکن لیک لری نی بیلدیردی. 

ترکیه جمهوریتی قوراللی کوچلری قوماندانی سترجنرال خلوصی آقر ایسه, اوشبو خصوصده گی پیامیده اوز سوز لری نی, "ملتی میز نینگ هر بیر کیشی سی نینگ توغری هدف لر دایره سیده ییتیشتیریلیشی بوییچه سعی و حرکت ایتیب کیلیتگن اوقوتوچی لری میز نینگ اوقوتوچی لر کونی نی تبریکلیمن" شکلیده دوام ایتتیردی.