رجب طیب ایردوغان قطرنینگ روتانا تلویزیونی گه بیانات بیردی

رجب طیب ایردوغان قطرنینگ روتانا تلویزیونی گه بیانات بیردی

ترکیه جمهور رئیسی رجب طیب ایردوغان سوریه نینگ شمالیده پروازگه منع خوفسیز بیر منطقه ایجاد ایتیش و ایچکی اوروشلردن قاچگن خلق نینگ قیتیب باریشی اوچون 5 مینگ کیلومتر مربع لیک ساحه نینگ تروریست لردن تمیزلنیشینی آماج له گن لیکلرینی بیلدیردی.

ایردوغان سوریه لیک معتدل مخالفلر بیلن همکارلیک اوچون حرکت ایتیلگن لیگینی معلوم قیلیب، فراد قالقانی حرکاتی بیلن ترور تشکیلاتی داعش قولیدن تمیزلنگن الجرابلس گه 30 مینگ الی 40 مینگ کیشی نینگ باریب جایلشگن لیگینی بیان ایتدی.

ایردوغان جنابلری موصل موصل لیکلرنینگ تل افر تل افرلیکلرنینگ دیر. هیچ کیم نینگ بو جایگه باریب کیریش گه حقی یوق دیر. موصل نینگ ترور تشکیلاتی داعش نینگ قولیدن قوتقریلیشی نینگ آرتیدن هم بو جایگه یالغیزگینه سنی عرب لر، ترکمن لر و سنی کوردلرنینگ قالیشی کیره ک، دیدی.

مهاجر قرینداشلریمیز اوچون 12 یریم ملیارد دالر خرجت قیلدیک. بو بیزنینگ انسانی وظیفه میزدیر دیب، غرب نی مسؤلیتدن قاچگن لیگینی، خلق ارا جمعیتلرنینگ سوریه لیک مهاجرلر اوچون یالغیزگینه 520 ملیون دالر خرجت قیلگن لیگینی اورغوله دی.

جمهور رئیس سوریه ده 600 مینگ اوز وطنداشینی اولدیرگن بشار اسدنینگ کیتیشی کیره ک دیب، اونینگ قالیشی نینگ ممکن ایمس ایکن لیگینی افاده ایتدی.

برچه پلانلرنینگ اسلام دنیاسگه قره ته آلیب باریلگن لیگینی ایسلتیب، بناً اسلام اولکه لری نینگ بیر – بیری بیلن همکارلیک ایچیده بولیشی کیره ک لیگینی بیلدیردی.

ایردوغان مصر- ترکیه مناسبتی نینگ نورمال بولیشی نینگ کودتا بیلن برطرف ایتیلگن ایسکی جمهور رئیس مرسی بیلن بیرگه لیکده برچه کودتاگه قرشی چیققن لرنینگ آزاد ایتیلیشی کیره کی لیگینی اورغوله دی.