ایردوغان بیرلشگن ملتلر تشکیلاتی نینگ ییغینیده سوزگه چیقدی

ایردوغان بیرلشگن ملتلر تشکیلاتی نینگ ییغینیده سوزگه چیقدی

ترکیه جمهور رئیسی رجب طیب ایردوغان نیورک ده بولیب اوته یاتگن بیرلشگن ملتلر تشکیلتی نینگ 71 نچی ییغینیده سوزگه چیقدی. ایردوغان صلح نی بنا قیلیبف محافظه ایتیش فعالیت لری نینگ یخشی راق آلغه باریشی اوچون بیرلشگن ملتلر تشکیلاتی گه ینگی لیک کیلتیریلیشی کیره ک لیگینی ایسلتیب اوتدی و بیز "دنیا 5 اعضادن کتته دیر" دیگن حقیقت نی هردائیم خلق ارا مقیاسده مطرح قیلیب توره میز دیب ایتدی.

ایردوغان بیرلشگن ملتلر تشکیلاتی ایجاد ایتیلگن دوره بیلن حاضرگی دورنینگ بیر سان ایمس ایکن لیگینی ایسلتیب، دنیانی بیش اولکه نینگ آغزیدن چیقه دیگن سوزگه محکوم ایتمس لیگینگیز کیره ک دیب افاده ایتدی.

ترکیه جمهور رئیسی 21 نچی عصر ایلک آی لریده انسانلرنینگ بیلیم، تکنالوژی، اقتصادی ترقیات و ساغلیق امکانیتی جهتدن تاریخ نینگ اینگ یوکسک دوریگه ییتیب کیلگن لیگی گه اشاره قیلیب، بو یارقین صحیفه نینگ قرانغو یوزی نینگ هم بولگن لیگینی قید ایتدی.

سوریه، عراق و دنیانینگ ایریم جایلریده تروریزم نینگ خاتین- قیز، باله و انسانلرنی قتل قیلیب تورگن لیگینی اورغولب، اولیم و ظلم دن قاچگن مهاجرلرنینگ اروپا نینگ شهرلریده تحقیرگه معروض قالگن لیگینی ایتیب اوتدی.

ایردوغان تروریزم نینگ تورلی شکلده فعالیت آلیب بارگن لیگینی معلوم قیلیب، ترکیه نینگ 15 نچی جولای کیچه سی فتح الله چی ترور تشکیلاتی موازی دولت ساختاری (فتو) تامانیدن عملگه آشیریلگن کودتا تشبثی گه دوچ کیلگن لیگینی بیان ایتدی.

اوشبو کودتا تشبثی ملتیمیزنینگ دموکراسی سیگه، حکومتی گه، آزاد لیگی گه، کیلجگی و قانونی تیزیمی گه قهرمانانه بیر شکلده صاحب چیقیشی بیلن برطرف ایتیلدی شو اوچون ملتیم بیلن فخرلنه من، دیدی.

ترکیه ده گی کودتا تشبثی نینگ عین دمده دنیا دموکراسی یگه هم عملگه آشیریلگن لیگی گه اشاره قیلیب، ملتیمیز او کیچه کودتاچیلرگه یخشی گینه جواب بیردی و دموکراسی گه ایشانگن خلق لر اوچون هم الهام بولدی. بو ینگی نسل ترور تشکیلاتی یالغیزگینه ترکیه اوچون ایمس، فعالیت آلیب باره دیگن 170 اولکه اوچون بیر ملی تهدید دیر، دیدی. برچه اولکه لرگه اوز خوفسیزلیکلری اوچون فتوگه قره ته ییترلی تدبیرلرنی آلیش لری اوچون آگاهلنتیردی.

ایردوغان سوریه ده یوز بیرگن انسانی بحران نینگ 6 نچی ییلی گه ییتیب کیلگن لیگی گه اشاره قیلیب، وطنلریدن بدرغه بولگن سوریه لیکلرگه میزبانلیک قیلیب دوام ایترلیک لرینی قید ایتدی.

ترکیه نینگ سوریه لیکلر اوچون حاضرگچه 25 ملیارد دالر مصرف قیلگن لیگینی اورغولب، اروپا بیرلیگی و بیرلشگن ملتلر تشکیلاتی نینگ مادی منبع یره تیش توغریسیده گی وعده لریگه وفا قیلمه گن لیکلرینی بیلدیردی.

سوریه لیک مهاجرلرنی اوزلری اوچون تهدید اوله راق کورگن اروپالیک رهبرلرگه خطاباً تیکانلی سیم لرنینگ، یوکسک دیوارلرنینگ آرقه سیده حضور قیدیریش بیهوده دیر. سوریه لیک مهاجر لرنینگ تعلیم، ایش و جای مسأله لریگه تیزلیکده چاره تاپمه گن حالده ترتیبسیز کوچ حادثه سی، اجتماعی معمالر و خوفسیزلیک تهدیدلرنینگ آلدینی الیش قیین بوله دی. بحران نینگ منبع سی سوریه ده گی توقنه شوو، ترور و ظلم فضاسی نینگ نهائی بولیشی و سیاسی حل یولی نینگ ایجاد ایتیش اوچون وقت نینگ اوتمس لیگی کیره ک لیگینی قید ایتدی.

ایردوغان جنابلری ترکیه قوراللی کوچلری تامانیدن 24 نچی اگست تاریخیده باشله تیلگن فراد قالقانی عملیاتی بیلن علاقه لی اوله راق سوریه مخالفتی گه بیرگن همکارلیگیمیز بیلن باشله گن فراد قالقانی حذکاتی، امید سیزلیک حاکم بولگن بیر منطقه ده استقرار، تینچ لیک و حضورنینگ قیته دن ایجاد ایتیش جهتدن اهمیت گه سزاواردیر. ترور تشکیلاتلری پی کاکا، پی وای دی نینگ آماجی نینگ داعش گه قره ته مجادله ایمس ایکن لیگینی بو عملیات بیلن بیرگه لیکده علنی بیر شکلده معلوم بولگن لیگینی بیان ایتدی.

ترکیه نینگ اوزاق مدت دن بیری سوریه نینگ حدودیده خوفسیزلیک بیر منطقه ایجاد ایتیش اوچون دعوت ایتیب تورگن لیگینی اورغولب، فراد قالقانی حرکاتی نینگ مقصدی نینگ بو خوفسیز منطقه نینگ تیزلیکده ایجاد ایتیش دیر، دیدی.