جمهوررئیسی اردوغان چین گه جونب کیتدی

ترکیه جمهوریتی جمهوررئیسی رجب طیب اردوغان, توناوون آقشام چین گه جونب کیتدی. 

جمهوررئیسی اردوغان, چین نینگ هانگزو شهریده بولیب اوته دیگن جی ۲۰ رهبر ییغیلیشی گه اشتراک ایتیش اوچون توناوون آقشام انقره ده گی ایسن بوغه قونلغه سیدن عیالی امینه اردوغان بیلن بیرگه چین خلق جمهوریتی گه حرکت ایتدی. 

جمهوررئیسی رجب طیب اردوغان نینگ, چین ده بولیب اوته دیگن جی ۲۰ رهبر ییغیلیشی دایره سیده امریکا قوشمه ایالت لری دولت رهبری بره ک باراک اوباما و روسیه جمهوررئیسی ولادیمیر پوتین بیلن سوریه نینگ حلب شهریده آتش بس نینگ تامین ایتیلیشی و انسان لرنینگ تینچ بیر بیرم اوتکزیشی خصوصیده صحبت ایته دیگن لیگی قید ایتیلدی.

عینی دمده  جمهوررئیسی رجب طیب اردوغان نینگ, سپتامبر آیی نینگ ۴ نچی و ۵ نچی کون لریده بولیب اوته دیگن جی ۲۰ رهبر ییغیلیشی دایره سیده آلمان, فرانسه و ایتالیا رهبر لریدن عبارت آنگلا مرکل, فرانسو اولند و ماتیو رنزی بیلن هم اوچره شه دیگن لیگی بیلدیریلدی.  

خودی منه شوو اوچره شوو لر جریانیده ایککی تامانلمه علاقه لر دن تشقری ترکیه بیلن اوروپا بیرلیگی آره سیده گی مناسبت لر, مهاجر لر گه تیگیشلی قیتریب قبول ایتیش کیلیشووی و ترک لرنینگ ویزه سیز بیر شکلده اوروپا گه سفر قیلیشی سنگری موضوع لر توغری سیده بحث ایتیله دیگن لیگی معلوم قیلیندی.