تورکیه تقریباً 498 میلیون دالرلیک قوریق میوه صادر قیلدی

تورکیه نینگ قوریق میوه صادراتی, جاری ییل نینگ دستلبکی اوچ آییده 29,9 فایز گه آشدی. 

جنوبشرقی انادولو صادراتچی اویوشمه لری تامانیدن بیریلگن معلوماتگه کوره, قوریق میوه و محصولاتی سکتوری دستلبکی اوچ آیده 124 اولکه و ایرکین منطقه گه 118 مینگ 738 تن محصول صادر قیلدی. 

صادراتدن 497 میلیون 639 مینگ دالر عاید قولگه کیریتگن سکتور نماینده لری, 383 میلیون 124 مینگ دالر بولگن اوتگن ییل نینگ خوددی شوو دوری بیلن سالیشتیریلگنده عایدی نی 29,9 فایز گه آشیرگن بولدی. 

اینگ کوپ عایدات نی 133 میلیون 284 مینگ دالر بیلن دَنَکسیز مییزدن قولگه کیریتگن سکتور, اوریک دن 114 میلیون 450 مینگ دالر, قوریق انجیر دن ایسه 86 میلیون 420 مینگ دالر عاید قولگه کیریتدی. 

اوتگن ییل نینگ خوددی شوو دوریده 24 میلیون 251 مینگ دالرلیک محصولات ساتگن انتیپ پسته سی تولید ایتووچی لری, جاری ییلده عایداتی نی 74 میلیون 54 مینگ دالر گه ییتکزدی. 

سکتور اینگ کوپ (192 میلیون 378 مینگ دالر) اروپا اولکه لری گه صادرات قیلدی. 

اولکه لر قطاریده اینگ کوپ صادرات ( 61 میلیون 596 مینگ دالر) آلمان گه قیلیندی. 

اوشبو توغریده آلمان آرتیدن ایسه 48 میلیون 402 دالرلیک صادرات بیلن امریکا قوشمه ایالتلری, 45 میلیون 661 مینگ دالر بیلن انگلستان و 30 میلیون 484 مینگ دالرلیک بیر رقم بیلن ایسه فرانسه اورین ایگلله ماقده.