جمهوررئیسی اردوغان امریکا گه هوشدار بیردی

فتح الله چی ترور تشکیلاتی موازی دولت ساختاری FETÖ/PDY تامانیدن جولای آیی نینگ ۱۵ نچی کونیده قیلینگن کودتا تشبثی آرتیدن ترکیه جمهوریتی جمهوررئیسی رجب طیب اردوغان نینگ طلبی گه بناً باشلب کیتگن دموکراسی نینگ اسره لیب قالینیشی اوچون انسان لرنینگ میدان لر ده کوتیب توریش فعالیت لری ۲۷ کون بولدی.  

جمهوررئیسی اردوغان, اوشبو فعالیت نینگ ایندی اداغگه ییتیشتیریلیشی بیلن علاقه لی بولیب اوتگن کتته میتینگ ده انقره ده گی جمهوررئیس لیگی قصری نینگ اونگیده خلق گه قره ته بیر معروضه قیلدی.  

جمهوررئیسی اردوغان, "جولای آیی نینگ ۱۵ نچی کونی, ترکیه نینگ برچه قسم لری بیلن بیرگه انقره نینگ هم نجات تاپگن کون دن عبارت" دییه قید ایتدی.  

اردوغان, دموکراسی نینگ فقط گینه معلوم کون لر و ساعت لر ده اسره لیب قالینیشی نینگ ممکن ایمس لیگی نی بیلدیررایکن, اوز سوز لری نی, "دموکراسی میز, ایرکین لیگی میز, دولتی میز و کیله جگی میز نی بیر کون نینگ ۲۴ ساعتیده و بیر ییل نینگ ۳۶۵ کونیده اویی میز, دوکانی میز و قالیویرسه هر ییرده اسره ب قالیشی میز کیره ک.  تهدید و خیانت نینگ قیردن, قچان و کیم لر تامانیدن کیله دیگن لیگی معلوم بولمیدی.  ایندی خیانت فعالیت لری نی فتح الله چی ترور تشکیلاتی موازی دولت ساختاری FETÖ/PDY توخته ترایکن, ترور تشکیلاتی پی کاکا و داعش دوام ایتتیره دی" شکلیده دوام ایتتیردی.

فتح الله چی ترور تشکیلاتی موازی دولت ساختاری FETÖ/PDY نینگ رهبری فتح الله گولن نینگ ترکیه گه تاپشیریلیشی بیلن علاقه لی ایسه ترکیه جمهوریتی جمهوررئیسی رجب طیب اردوغان, "امریکا نینگ بیر ترجیح قیلیشی کیره ک.  یا ترکیه یاکه فتح الله ترور تشکیلاتی. یا کودتاچی فتح الله ترور تشکیلاتی یاکه دموکراسی اولکه سی ترکیه. اوشبو خصوصده ترجیح قیلیشی کیره ک" دییه قید ایتدی. 

اوزاق ییل لر دوامیده خیانت قیلیب کیلگن اوشبو ترور تشکیلاتی نینگ ایندی قان هم توکگن لیگی نی بیلدیرگن جمهوررئیسی اردوغان, ترکیه بیلن علاقه لی هیچ کیمسه نینگ هیچ قنده ی بیر پلان نی مطرح ایتمس لیگی کیره ک ایکن لیگی نی بیلدیررایکن, ترک ملتی نینگ هر قنده ی بیر اشتباه نی کیچره دیگن لیگی نی بیراق, خیانت نی قبول قیلمیدیگن لیگی نی ایسله تیب اوتدی.

ترور تشکیلاتی پی کا کا نینگ خائنانه هجوم لری باره سیده هم بحث ایتگن جمهوررئیسی اردوغان, ترکیه ده بیر پلانی بولگن تامان لر نینگ جوابگر بوله دیگن لیک لری نی معلوم قیلدی. 

جمهوررئیسی اردوغان, "دموکراسی نی اسره ب قالیش اوچون میدان لر گه چیقیب اولکه سی و ملتی گه باغلیق بولگن لیگی نی دنیا گه کورسه تیب بیرگن ترک تبعه لری گه اوز منتدارچیلیک لریمنی بیلدیره من" دییه قید ایترایکن, اوز سوز لری نی, "تنگری تعالی اولکه میز نی قوریسین. ایندی دموکراسی نینگ اسره لیب قالینیشی اوچون انسان لرنینگ میدان لر گه چیقیش لری ضروری ایمس.  بیراق, کونگلی میز ده دموکراسی میز نی اسره ب توریشی میز کیره ک" شکلیده دوام ایتتیردی.