ترکیه ترور تشکیلاتی رهبری گولن حقیده کوپلب اسناد نی امریکا گه یوباردی

ترکیه, فتح الله چی ترور تشکیلاتی موازی دولت ساختاری FETÖ/PDY نینگ رهبری فتح الله گولن نینگ ترکیه گه تسلیم ایتیلیشی اوچون امریکا قوشمه ایالتلری گه ۸۵ بکس دلیل بیلدیردی. 

واشنگتن پست روزنامه سی, امریکا عدلیه وزیرلیگی نینگ اوشبو دلیل لر نی تیکشیریتگن لیگی نی معلوم قیلدی. 

روزنامه, اوشبو دوسیه لرده, خودی منه شو ترور تشکیلاتی نینگ قنده ی قیلیب ترکیه ده عدلی اورگان لر, پولیس و اردو گه کریب آلگن لیگی نی کورسه ترایکن, کودتا تشبثی نینگ گولن تامانیدن باشقریلگن لیگی نینگ بیلدیریلگن لیگی قید ایتدی. 

عینی دمده روزنامه, اوشبو ترور تشکیلاتی نینگ امریکا کانگرسیده گی لوبی فعالیت لری حقیده هم معلومات بیردی. 

روزنامه, میلادی ۲۰۰۷ نچی ییلیدن بیری ترکیه گه کیلگن ۲۸۹ کانگرس هیئتی گه مادی امکانیت لرنینگ اوشبو ترور تشکیلاتی تامانیدن تامین ایتیلیب بیریلگن لیگی نی بیلدیررایکن, فتح الله گولن نینگ امری آستیده گی اونلب موسسه نینگ, سیاسی کمپاین لر گه اون مینگلب دالر یاردم ایتگن لیگی نی بیلدیرماقده. 

اوشبو ترور تشکیلاتی نینگ یاردملریدن استفاده ایتگن سیاستچیلر آره سیده, جمهوریتچی حزبی نینگ مهم کیشی لری دن عبارت جان بوهنر و ریک پیری دن تشقری, دموکرات لرنینگ جمهوررئیس لیگی کاندیدی بولگن هیلاری کلینتون نینگ هم موجود ایکن لیگی قید ایتیلماقده. 

واشنگتن پست, فتح الله گولن گه باغلیق موسسه لر نینگ اوز لری نی خیریه موسسه لر اوله راق تانیتگن لیک لری گه قره مسدن, مالیه وزیرلیگی ده بونده ی ثبت ایتیلمه گن لیگی نی معلوم قیلماقده. 

روزنامه, گولن گه باغلیق موسسه لرنینگ اکثریتی حقیده عدلی تحقیقات باشله تیلگن لیگی, بیراق, اوشبو تحقیقات لردن هیچ قنده ی بیر نتیجه آلینه آلمه گن لیگی نی بیلدیرماقده. 

خبرده, اوشبو موسسه لر گه قیلینگن یاردم لرنینگ قنده ی قیلینگن لیگی و خودی منه شوو موسسه لرنینگ قنده ی قیلیب باشقریلیتگن لیک لری حقیده شفاف بیر معلومات نینگ موجود ایمس لیگی بیلدیریلماقده.