ترکیه تشقی ایش لر وزیری بحرین لیک تینگداشی بیلن صحبت ایتدی

ترکیه جمهوریتی تشقی ایش لر وزیری مولود چاووش اوغلی, تلفن آرقه لی, بحرین لیک تینگداشی شیخ خالد بن احمد بن محمد الخلیفه بیلن صحبت ایتدی. 

بحرین تشقی ایش لر وزیرلیگی نینگ طلبی گه بناً بولیب اوتگن اوشبو صحبت جریانیده, الخلیفه, جولای آیی نینگ ۱۵ نچی کونیده گی کودتا تشبثی توغری سیده بحث ایترایکن, ترکیه ده دموکراتیک بیر شکلده سیلنگن حکومت نی حمایه له گن لیک لری نی بیلدیردی.

عینی دمده الخلیفه, ترکیه بیلن بولگن همکارلیک لری نینگ دوام ایته دیگن لیگی نی ایسله تیب اوتدی. 

چاووش اوغلی, حمایه لری سببلی بحرین لیک تینگداشی گه اوز منتدارچیلیک لری نی بیلدیردی. 

عینی دمده اوشبو صحبت جریانیده, ایککی اولکه آره سیده گی علاقه لر و کیله جکده بولیب اوته دیگن یوقاری سویه لیک سفر لر نینگ تاریخ لری باره سیده هم بحث ایتیلرایکن, ترکیه- کورفز همکارلیک کینگشی تشقی ایش لر وزیر لری بیشینچی ستراتیژیک دیالوگ ییغیلیشی توغری سیده هم فکر المه شیلدی.