ترکیه ایچکی ایشلر وزیری اوشلنگن کیشی لر بیلن علاقه لی معلومات بیردی

ترکیه ایچکی ایشلر وزیری اوشلنگن کیشی لر بیلن علاقه لی معلومات بیردی

ایچکی ایشلر وزیری افکان علا فتح الله چی ترور تشکیلاتی موازی دولت ساختاری (فتو/PDY) نینگ 15 نچی جولای کودتا تشبثی نینگ آرتیدن 8 مینگ 113 کیشی نینگ قماقخانه گه محکوم ایتیلگن لیگینی بیلدیردی.

علا جنابلری خصوصی بیر تلویزیون گه اوشلنگن لرنینگ سونگی وضعیتی بیلن علاقه لی بیانات بیردی.

ایچکی ایشلر وزیری بیرگن بیاناتگه کوره 178 کیشی جنرال، 2 مینگ 728 نفر صاحب منصب، 7 مینگ 106 کیشی ایریم رتبه ده گیلر و 10 مینگ 12 کیشی عسکر نظارتگه آلینگن. بو قطاردن 151 کیشی جنرال، 1 مینگ 656 نفر صاحب منصب، 5 مینگ 266 کیشی عسکر محکوم ایتیلگن.

ترکیه ایچکی ایشلر وزیری خوفسیزلیک تشکیلاتیدن 2 مینگ 901 نفر پولیس نینگ نظارت گه آلینگن لیگینی بولردن 1 مینگ 19 پولیس نینگ محکوم ایتیلگن لیگینی بیلدیردی.

باشقه بیر تاماندن 2 مینگ 167 کیشی قاضی و قاره لاوچی نینگ نظارت گه آلینگن لیگی بولردن 1 مینگ 684 کیشی نینگ محکوم ایتیلگن لیگینی بیان ایتدی.

مذکور وزیر بو ایش نی عملگه آشیرگن لرگه جزا بیریش و خودی شو خطرنی برطرف ایتیش اوچون فعالیت نینگ دوام ایتیب تورگن لیگینی افاده ایتدی.