ترکیه فرانسه ده گی تروریستیک حادثه نی محکوم ایتماقده
ایردوغان، باش وزیر و ایریم وزیرلر فرانسه ده گی تروریستیک حادثه نی محکوم ایتدی
![ترکیه فرانسه ده گی تروریستیک حادثه نی محکوم ایتماقده](http://cdn.trt.net.tr/images/xlarge/rectangle/2a19/dc7b/9bbb/5768baa9f0d7a.jpg?time=1719266779)
ترکیه فرانسه ده گی تروریستیک حادثه نی محکوم ایتماقده
جمهور رئیس رجب طیب ایردوغان فرانسه نینگ نایس شهریده یوز بیرگن تروریستیک حادثه نی محکوم ایتدی. ایردوغان جنابلری بو منفور حادثه نینگ تروریزم گه قره ته مجادله نینگ قرارلی بیر شکلده آلیب باریلیشی نینگ ضرور ایکن لیگینی کورستگن لیگینی اورغولب، ترورنینگ دینی، عرقی و ملیتی یوق دیر.بو خونخوارانه حادثه نی عملگه آشیرگن لرنینگ انسانلیق بیلن ارتباطی یوق دیر. بولرنینگ اساساً دنیاده جایگاه سی یوق دیر، دیدی.
ایردوغان جنابلری تروریزم گه قره ته فرقلی حرکت قیلگن فرانسه نینگ بو حادثه دن پند آلیشینی کوتگن لیکلرینی معلوم قیلیب، تروریست تشکیلاتلری اوچون ترکیه بیلن فرانسه نینگ، عراق بیلن بلجیم نینگ، سعودی عربستان بیلن امریکانینگ فرقی بولمه گن لیگینی ایفاده ایتدی.
جمهور رئیس ترکیه نینگ انچه تروریستیک حادثه لرگه معروض قالگن لیگینی قید ایتیب، فرانسه و فرانسه خلقی نینگ تویغولرینی درک ایتگن لیگینی بیلدیردی.
باش وزیر بن علی ییلدیریم هم فرانسه ده گی حادثه بیلن علاقه لی فرانسه تیلیده پیام ترقتیب، حادثه نی محکوم ایتدی. بو بیر انسانی عیب دیر، باشقه بیر دفعه قیرگه یوز بیررلیگینی هیچ کیم بیلمه یدی. تروریزم گه قره ته خلق ارا مقیاسده مشترک مجادله ایتیش کیره ک لیگینی عین دمده ترکیه نینگ فرانسه خلقی گه قیغوداشلیک بیلدیرگن لیگینی اورغوله دی.
باش وزیر اورین باسری نعمان قورتولموش و جمهور رئیس لیک سوزلاوچیسی ابراهیم قلین حادثه نی محکوم ایتیب، قیغوداشلیک بیلدیردی.
عین دمده تشقی ایشلر وزیری مولد چاووش اوغلی بیلن ایریم وزیرلر حادثه نی محکوم ایتیب، اولگنلرنینگ عائله لریگه قیغوداشلیک بیلدیردی.
مولد چاووش اوغلی کیم تامان و قیرگه یوز بیرگن بولسه هم تروریزم گه قره ته صمیمی و نتیجه آلینه دیگن شکلده مجادله قیلیش کیره ک دیر، دیدی.
عین دمده تشقی ایشلر وزیرلیگی تامان هم بیانات ترقه تیلیب، فرانسه ده گی حادثه محکوم ایتیلدی. بیاناتده ترکیه نینگ تروریزم گه قره ته مجادله مجادله توغریسیده فرانسه بیلن بیرگه لیکده دیر، دیب ایتیلگن.