ناتو رهبر لر ییغیلیشی جریانیده افغانستان توغری سیده بحث ایتیله دی

پولند پایتختی وارسا ده ناتو رهبر لر ییغیلیشی بولیب اوته دی. 

اوشبو رهبر لر ییغیلیشی گه ترکیه جمهوریتی جمهوررئیسی رجب طیب اردوغان و امریکا قوشمه ایالت لری دولت رهبری باراک اوباما دن تشقری ۲۸ اولکه نینگ رهبر لری هم اشتراک ایته دی. 

خودی منه شوو رهبر لر ییغیلیشی جریانیده ناتو نینگ اوزگریب باریتگن شرایط گه ماس حرکت ایتیشی و اوشبو اتفاق نینگ کوچی نینگ قنده ی قیلیب آرتریلیشی کیره ک ایکن لیگی خصوصیده بحث ایتیلیشی کوتیلماقده.

عینی دمده رهبر لر افغانستانده گی کوچ گه حصه قوشگن ناتو تشقری سیده گی اولکه لرنینگ رهبر لری و اوشبو موضوع بیلن علاقه لی خلق ارا تشکیلات لرنینگ نماینده لری بیلن بولیب اوته دیگن ییغیلیش جریانیده, خودی منه شوو کوچ نینگ فعالیت لرینی بهالنتیررایکن, میلادی ۲۰۱۸ نچی و ۲۰۲۰ نچی ییل لری آره سیده افغانستان نینگ مدافعه کوچ لری نینگ حمایه ایتیلیشی گه تیگیشلی وعده لر بیره دی. 

رهبر لر نینگ اشتراکی بیلن بولیب اوته دیگن ناتو – اوکرائین کمیسیونی ییغیلیشی جریانیده ایسه مینسک کیلیشوی نینگ تطبیق ایتیلیشی داخل اوکرائین ده گی وضعیت باره سیده بحث ایتیله دی. 

عینی دمده اوشبو رهبر لر ییغیلیشی نینگ هوا دن امنیتی نینگ تامین ایتیلیشی بوییچه فعالیت لر گه ترکیه هم حصه قوشه دی. 

ترکیه نینگ هوا دن خبر بیریش و کنترول طیاره سی, ناتو, فرانسه و انگلستان گه عاید آواکس طیاره لری بیلن بیرگه فعالیت آلیب باره دی.