ترکیه محتاج عایله لر گه یاردم ترقتدی

ترکیه دنیا نینگ فرقلی منطقه لریده گی محتاج کیشی لر گه یاردم ترقتدی. 

ترکیه ده گی بشری یاردم موسسه لری و مرکزی سویس ده اورین آلگن "قولیمدن توت" اویوشمه سی مبارک رمضان آیی دوامیده محتاج عایله لر گه یاردم ترقتدی. 

اوشبو یاردم موسسه لری نینگ مسئول لری دن بیری بولگن عبدالحمید آلتینتاش, رمضان آییده محتاج کیشی لر نی خوش قیلیش گه حرکت ایتگن لیک لری نی بیلدیردی. 

سوریه نینگ حلب, حماه, حمص, بایر بوجاق و ادلب منطقه لریده انسان لر گه یاردم ترقتگن لیک لری نی بیلدیرگن آلتینتاش, "اوشبو رمضان آییده سوریه ده مینگلب عایله گه یاردم ایتدیک" دییه قید ایتدی. 

اوشبو یاردم لر فقط گینه سوریه ایمس, بلکه, گانا, بورکینا فاسو, نیجر, فلسطین, هندوستان, مالاویا, چاد و ایتوپیا سنگری اولکه لرده گی محتاج عایله لر گه هم ترقه تیلدی.