ترکیه قوراللی کوچلری داعش نینگ سوریه ده گی موضوع لریگه هجوم اویوشتیردی
باش وزیر اورین باسری معلومات بیردی
ترکیه قوراللی کوچلری داعش نینگ سوریه ده گی موضوع لریگه هجوم اویوشتیردی
قوراللی کوچلری سوریه نینگ الشیخ یعقوب و یحمول منطقه لریده گی تروریست گروهی داعش نینگ موضوع لریگه قره ته عملیات اویوشتیردی. اوشبو عملیات نتیجه سیده داعش نینگ بیر بناسی راکت آرقه لی تخریب ایتیلیب، 5 کیشی تروریست گروهی اعضاسی اولدیریلگن.
عراق نینگ شمال تامانیده جایلشگن متینه منطقه سیده گی تروریست گروهی پی کی کی نینگ 7 باب موضوع سیگه هجوم اویوشتیریلدی. ترکیه باش وزیر اورین باسری نعمان قورتولموش عملیاتلرنی موفقیت لیک بیلن آلغه بارگن لیگینی معلوم قیلیب، تروریست گروهی نینگ مجالی قالمه گن لیگینی و بعضی بیر خلق ارا کوچلرنینگ تروریست گروهی گه 22 نچی جولای تاریخیدن کیین جسارت بیرگن لیگینی اورغوله دی. قورتولموش جنابلری تروریزم نینگ خلق ارا کوچلر همکارلیگی بیلن موجودیتینی دوام ایتیب تورگن لیگینی قید ایتیب، خلق ارا کوچلر بو تروریست گروه لری نینگ آرقه سیده گی لوجستیک، استخبارات، قورال، اقتصاد و سیاسی همکارلیگینی توخته تگنده تروریست دیگن بیر عنصر قالمه یدی، دیدی. عین دمده تروریزم گه قره ته مجادله نینگ تورلی اداره لر بیلن مشترک آلیب باریلگن لیگینی معلوم قیلدی. نعمان قورتولموش منطقه ده گی کوردلرنینگ تروریست گروهی گه همکارلیک قیلمه گن لیگی و ترکیه نینگ بو گروه نینگ خلق ارا مقیاس ده همکارلیک آلگن لیگینی کورگن لیگی تروریست گروهی نی ضعیف بولیشی گه باعث بولدی، دیدی.
