اردوغان: ترکیه ده کیله جکده اوته مهم ینگی لیکلر یوز بیره دی

ترکیه جمهوریتی جمهوررئیسی رجب طیب اردوغان, کیله جکده ترکیه ده اوته مهم ینگی لیک لرنینگ یوز بیره دیگن لیگی نی معلوم قیلدی. 

اردوغان, ترکیه نینگ قیر شهیر ولایتیده اخی ایوران عالی بیلیم یوریتیده اونگه فخری دوکتورا عنوانی نینگ بیریلیشی بیلن علاقه لی ترتیب لنگن مراسم جریانیده معرضه قیلدی. 

یقین اوتمیشده ترکیه نینگ دموکراتیک له شیشی بیلن علاقه لی کوره ش باره سیده معلومات بیرگن اردوغان, قان, کوچه, سرمایه و حتی تروریزم آرقه لی ملت دن استفاده ایتیش بوییچه سعی و حرکت لرنینگ ایندی نتیجه بیرمیدیگن لیگی نی همه نینگ بیلیشی کیره ک ایکن لیگی نی بیلدیردی. 

ملت نینگ ینگی قیین چیلیک لر گه دوچ کیلیب قالیشی گه اجازت بیرمیدیگن لیک لری نی بیلدیرگن اردوغان, " یاش لری میز نینگ باشقه کیشی لرنینگ اقتدار گه کیلیشی اوچون استفاده ایتیلیشی گه اجازت بیرمیمیز. یاش لری میز بیز نینگ کیله جگی میزدن عبارت" دییه قید ایتدی. 

ینگی حکومت نینگ برنامه لریده سیله نیش و سیلش یاشی نینگ ۱۸ بولگن لیگی نی بیلدیرگن اردوغان, اوشبو موضوع نینگ یاش لرنینگ کیله جگی جهتیدن جوده فایده لی بوله دیگن لیگی نی ایسله تیب اوتدی. 

جمهوررئیسی ینگی اساسی قانون و ریاستی سیستم بیلن علاقه لی فعالیت لر توغری سیده هم بحث ایتدی. 

اردوغان, "بو اولکه و بو ملت انشا الله اوز اساسی قانونی نی قبول قیله دی.  عینی دمده اوشبو ملت رهبریت سیستمی توغری سیده قرار بیریش کوچی گه ایگه" دییه قید ایتدی. 

عینی دمده اردوغان اوز سوز لری نی, "دموکراسی میز, ریاستی سیستم حقیده هر خیل بحث مناظره لر گه تیار بیر ظرفیت گه ایگه.  اوشبو خصوصده هیچ قنده ی بیر شبهه موجود ایمس.  کیله جکده اوشبو خصوصده اولکه میز ده اوته مهم ینگی لیک لرنینگ یوز بیره دیگن لیگی گه ایشانه من" شکلیده دوام ایتتیردی.