ترکیه ده بوگون ملی حاکمیت و باله لر بیرمی

بوگون اپریل آیی نینگ ۲۳ نچی کونی یعنی ملی حاکمیت و باله لر بیرمی.

ترکیه ده اوشبو کون اولکه نینگ برچه تامان لریده قیزغین کوتیب آلینماقده.

اوشبو کون مناسبتی بیلن انقره ده گی اتاترک یادگارلیگیده ایلک مراسم بولیب اوتدی.

مکتب باله لری, ترکیه جمهوریتی معارف وزیری نبی آوجی بیلن بیرگه اتاترک یادگارلیگی گه باریب گل قویدیلر.

اتاترک یادگارلیگی گه ایککینچیدن ترکیه جمهوریتی پارلمانی نینگ باشلیغی اسماعیل قهرمان و اونینگ بیلن بیرگه کیلگن هیئت اعضالری کیلدی.

مراسم گه ترکیه جمهوریتی باش وزیری احمد داوود اوغلی, جمهوریت خلق حزبی نینگ رهبری کمال قلیچدار اوغلی, ملیتچی حرکت حزبی نینگ رهبری دولت باغچه لی و وزیرلر کینگشی اعضالری هم اشتراک ایتدی.

پارلمان باشلیغی اتاترک یادگارلیگی گه گل قویدی.

باشقه بیر مراسم ایسه, ترکیه نینگ ایلک پارلمانی بنا سیده بولیب اوته دی.

کیین چه لیک باله لر رهبر لرنینگ چوکی لری گه اوتیریشیب, قیسقه مدت لیک اولر نینگ وظیفه لری نی قوللریدن آله دیلر.

ایلک نوبتده معارف وزیری اوز مقامی نی باله لر گه تاپشیره دی.

کیین ایسه باله لر باش وزیر لیک گه باریشیب, آره لریدن بیر باله باش وزیر بوله دی.

بوندن کیین, باله لر ترکیه جمهوریتی جمهوررئیسی رجب طیب اردوغان تامانیدن قبول ایتیله دی.

باله لر عینی دمده ترکیه جمهوریتی پارلمانی نینگ باشلیغی اسماعیل قهرمان نی هم باریب کوره دیلر.

ترکیه جمهوریتی پارلمانی اپریل آیی نینگ ۲۳ نچی کونی مناسبتی بیلن بوگون خاص بیر ییغیلیش اوتکزه دی.