ترکیه - اروپا بیرلیگی کیلیشووی یخشی بیر شکلده آلغه بارماقده

ترکیه - اروپا بیرلیگی کیلیشووی یخشی بیر شکلده آلغه بارماقده

اروپا بیرلیگی کمسیونی، ترکیه بیلن مهاجرلر بحرانی اوچون 18 نچی مارچ کونی عملگه آشیریلگن کیلیشوونینگ یخشی بیر شکلده آلغه باراتکن لیگینی معلوم قیلدی.

اروپا کمسیونی خودی شو کیلیشوو بیلن علاقه لی ایلک راپورنی نشر قیلدی. مذکور راپورده ترتیب سیز مهاجر حادثه سینی برطرف ایتیش و قاچقینلرنی منظم بیر شکلده اروپاگه آلیب باریلیشی بیلن علاقه لی ترکیه – اروپا بیرلیگی آره سیده بولیب اوتگن کیلیشوونی ایسله تیب اوتیلدی.

میلادی 20 نچی مارچ تاریخیدن باشلب ترکیه دن یونان تمان قاچقین لرنینگ 4 اپریل کونی قیته دن ترکیه گه یوباریلیشی اوچون لست تیارلنگن لیگی افاده ایتیلدی. خودی شو مهاجر قیته دن یوباریش حادثه سی نینگ نتیجه بیریب باشله گن لیگی قید ایتیلدی.

اوشبو راپورگه کوره 20 مارچ – 4 اپریل تاریخی آره سیده کونیده 396 کیشی یونان تمان اوتیب بارگن.

5 نچی اپریل – 19 نچی اپریل تاریخ لری آره سیده کونیده 97 کیشی قاچقین اوتیب بارگن.

انه شو محاسبه گه کوره 31 کون جریانیده توپلم 7 مینگ 803 کیشی اوتیب بارگن.

اینگ کوپ مهاجر بیر کون اوچون میلادی 2015 نچی ییل اوکتوبر آی جریانیده 6 مینگ 929 کیشی اینگ آز فبروری آی جریانیده 1 مینگ 943 کیشی ایکن، کیلیشوونینگ عملی بولیب باشله گن تاریخ نینگ آرتیدن 97 کیشی گه توشیب بارگن.

مذکور کمسیون کیلیشوونینگ خلق ارا قانونلرگه ماس بولیشی اوچون ترکیه بیلن یونان تمان تیارلنگن لایحه نی ممنونیت بیلن کوتیب آلگن لیکلرینی بیلدیردی.