باش وزیر داود اوغلی: داعش موضوعلریگه هجوم اویویشتیردی

باش وزیر داود اوغلی: داعش موضوعلریگه هجوم اویویشتیردی

ترکیه باش وزیری احمد داود اوغلی سوریه تمان آتیلگن راکت مرمر لری نینگ کیلیس ولایتیگه کیلیب توشگن لیگی باعث انگاجمان قاعده لریگه بناً تروریست گروهی داعش نینگ موضوعلریگه هجوم اویوشتیریلگن لیگینی بیلدیردی.

باش وزیر عدالت و توسعه حزبی نینگ 5 نچی محلی اداره لر سمپوزیمیده سوز یوروتدی. وطن نینگ مدافعه و اولوس نینگ تینچ لیگی اوچون هر تورلی تدبیر آلگن لیکلرینی و هجوم اویوشتیرگنلرگه اینگ بویوک ضربه اوریله دی دیب ایتدی. ترکیه نینگ کیلیس ولایتی شهر مرکزی گه سوریه تمان فیر بولگن 4 عدد راکت مرمیسی بوش بیر ساحه گه کیلیب توشگن ایدی. مذکور حادثه ده ایسه هیچ کیم گه مالی ویا جانی ضرر ییتیشمه گن ایدی. اوشبو حادثه نینگ آرتیدن ملی مدافعه وزیری عصمت ییلمز، قوراللی کوچلر قومندانی حلوسی آقر و استخبارات باشلیغی خاقان فیدان ساحه گه باریب حادثه نینگ جایینی تیگشیریب چیقدی.

خودی شو شهرگه تناون کون توشگن راکت نینگ نتیجه سیده 2 کیشی ملکی اهالی جان بیرگن ایدی. عین دمده دوشنبه کون هم 3 راکت کیلیب توشگن لیگی باعث 12 کیشی یره لنگن ایدی.