تروریست گروهی داعش سوریه حربیدن استفاده قیلماقده
بشار اسد 400 مینگ کیشینی اولدیرگن
تروریست گروهی داعش سوریه حربیدن استفاده قیلماقده
ترکیه جمهور رئیس لیک سوزلاوچیسی ابراهیم قلین، داعش تروریست گروهی نینگ ینگی اعضا قولگه کیریتیش اوچون سوریه ده گی حرب دن استفاده قیلماقده دیر،دیدی. ابراهیم قلین الشرق تشکیلاتی و افریقا – اورته شرق مرکزی تمان استانبول ده اویوشتیریلگن "اورته شرق ده رادیکالیزم نی ینگی دن اویلش" عنوانیده گی کنفرانس ده سوز یوروتدی. قلین جنابلری بشارالاسد رژیمی نینگ اقتدارگه قالگن مدت دوامیده داعش و بونگه اوخشه گن بعضی بیر تروریست گروه لری نینگ زوروانلیک نی اوز ایچیگه آلگن رادیکال آیدولوژی لرینی ترقتیش اوچون بحران و ویرانگرلیک نی مناسب واسطه اوله راق کورسته دی، ملیونلب سوریه لیک کیشی اوز توپراقلرینی ترک ایتیب چقیش گه مجبور بولیب قالدی، دیدی.
ابراهیم قلین داعش تروریست گروهی نینگ رادیکال آیدولوژی لرینی ترقتیش و ینگی اعضالر قولگه کیریتیش اوچون سوریه حربیدن استفاده قیلگن لیکلرینی بیان ایتیب، داعش نینگ سوریه ده گی حرب و عراق ده گی سیاسی و خوفسیزلیک معمالری باعث یوزه گه چیققن لیگینی ایفاده ایتدی. عین دمده بشار اسد نینگ سوریه ده 400 مینگ کیشینی اولدیرگن لیگینی ایسلتیب اوتگن قلین جنابلری اوشبو بحران انچه گروه نینگ کوچ قولگه کیریتیشی گه باعث بولدی، دنیانینگ هیچ بیر جاییده هیچ بیر تروریست گروهی بو سانده کیشینی اولدیرمه گن دیر، دیدی.
قلین جنابلری داعش، پی کی کی، ایتا ویا میانمارده گی بودیست گروه لری نینگ تروریستیک حادثه لریگه دقت ترتیب، تروریزم نی یالغیزگینه بیر دین بیلن مناسبت قوریش ینگلیش بیر حادثه دیر. خودی شو تروریست گروه لری اسلامیت بیلن تروریزم آره سیده بیر مناسبت قوریش اوچون حرکت قیلیب تورگن. بیراق بو حادثه ینگلیش دیر. اسلامیت بیلن تروریزم آره سیده مناسبت قوریش ممکن ایمس دیر، دیدی.
