اردوغان: ترکیه بیلن علاقه لی یمان نیتی بولگن کیشی لر مغلوب بوله دی

ترکیه جمهوریتی جمهوررئیسی رجب طیب اردوغان, اوز لری نینگ لته لری نی ترک بیراغی نینگ اورینی گه آسیش گه حرکت ایتگن کیشیلر نینگ, خودی منه شو لته لری نینگ کفن لری گه ایله نه دیگن لیگی نی بیلدیردی.

اردوغان, ملت نینگ بیرلیگی و اتحادی نی هدف قیلیب آلیب ترکیه نی قیین چیلیک گه دچار قیلیب قویش گه حرکت ایتیتگن کیشی لرنینگ اوشبو توپراق نینگ تگیده, اوزلری دیک نیت گه ایگه بولیب هر دفعه مغلوبیت گه اوچره گن غافل لر نی کوره دیگن لیگی نی معلوم قیلدی.

جمهوررئیسی اردوغان, جمهوررئیسلیگی قصریده ۲۳ نچی کلانتر لر ییغیلیشی جریانیده بیر معروضه قیلدی.

ترکیه نینگ اوز توپراق لری و قوشنیلریده گی تروریزم تهدیدی گه دوچ کیلیب قالگن لیگی نی بیلدیرگن اردوغان, خوف سیزلیک کوچلری نینگ تروریست لر گه قتتیق بیر شکلده ضربه اورگن لیگی نی بیلدیردی.

خلق ارا مقیاسده گی موضوع لر باره سیده هم بحث ایتگن اردوغان, "سوریه ده عادی قورال لر بیلن اولگن کیشی لرنینگ حاضرگی کون گه قدر ۵۰۰ مینگدن عبارت. ظالم بشار الاسد نی هاگ عدالت دیوانی گه یوباریشی میز کیره ک ایمس می؟ جزاسی نی کوریشی کیره ک. اسد ایرکین بیر شکلده دنیا نی ایله نیب یورماقده. فقط گینه روسیه گه باریتگن لیگی ایسه باشقه بیر مسئله دن عبارت. بیراق, بیرلشگن ملت لر تشکیلاتیده نماینده لری بار. حاضرگی کونده هم اوشبو ییرلرده اسد نینگ نماینده لری نینگ گپلری گه قولاق سالینماقده.

صحبتلری جریانیده آذربایجان بیلن ارمنستان آره سیده گی اوروش لر باره سیده هم بحث ایتگن جمهوررئیسی اردوغان, آذربایجان تامانیدن تشلنگن قدم لرگه ارمنستان طرفیدن مثبت جواب بیریلیشی نی آرزو ایتیتگن لیگی نی بیلدیردی.

روسیه لیک مسئول لرنینگ, "ترکیه اوشبو خصوصده طرف" شکلیده گی سوزلری نی ایسلتگن اردوغان, "آذربایجان بیلن ارمنستان آره سیده بیر طرف قیدیریله دیگن بولسه اگر, اینگ مهم طرف روسیه دن عبارت. روسیه طرف بولیش نی یخشی کوره دی. گرجستان و اوکرائینده طرف بولگن لیگی دیک, ایندی سوریه ده هم طرف بولگن ایدی" دییه قید ایتدی.

بیر یوز ۹۶ عضوی بولگن بیرلشگن ملت لر تشکیلاتی نینگ فقط گینه بیش دایمی اعضاسی نینگ موجود ایکن لیگی نی هم تنقید ایتگن جمهوررئیسی اردوغان, "بولر نینگ همه سی مسیحی. ایچیده بیر مسلمان اولکه موجود ایمس. بونده ی بیر عدالت نینگ بولیشی می؟ برچه عقیده لر دن نماینده لیک ایته آله دیگن بیر بیرلشگن ملت لر تشکیلاتی خوف سیزلیک کینگشی موجود ایمس. قطعه لر اوله راق ایسه فقط گینه اوروپا, آسیا و امریکا موجود. باشقه جایلر موجود ایمس. ۱۹۶ اولکه گه هم معلوم مدت لر بیلن وظیفه بیریلیشی کیره ک. خوف سیزلیک کینگشی نینگ دایمی یاکه اوتکینچی سی دیگن بیر گپ یوق. ۲۰ اولکه دن تشکیل تاپگن بولسه ۲۰ سی هم دایمی بوله دی. ایککی ییلده بیر مراتبه وظیفه مدتی اوزگرگن سری ۱۰ ییلده اوشبو اولکه لرگه ینه نوبت کیلگن بوله دی" دییه قید ایتدی.