اوروپا بیرلیگی ترکیه پیشنهاد لری نینگ بویوک بیر قسمینی قبول قیلدی

بلجیم پایتختی بروکسلده بوگون بولیب اوتگن اوروپا بیرلیگی رهبر لر ییغیلیشی جریانیده, ترکیه نینگ مهاجر لر بحرانی بیلن علاقه لی پیشنهاد لری نینگ بویوک بیر قسمی قبول قیلیندی.

اوروپا بیرلیگی کینگشی نینگ باشلیغی دونالد توسک نینگ, ترکیه آرقه لی مهاجر لرنینگ کیلیشینی کمیتیره دیگن کیلیشوو نی ۲۸ اوروپا بیرلیگی اعضاسی اولکه لرنینگ رهبر لری گه تقدیم ایتیش اوچون تیارگرلیک اوتکزیتگن لیگی بیلدیریلماقده.

اوشبو متنده, ترک تبعه لری نینگ ویزه سیز اوله راق اوروپا گه سفر قیلیش لری بیلن علاقه لی کیره ک لیک معیارلر بوییچه مراحل نینگ کیله جک آی نینگ سونگگی گه قدر تکمیل بولیب ویزه سیز سفر لر نینگ جون آییده باشلیدیگن لیگی بیلدیریلماقده.

ترکیه نینگ مهاجر لر بیلن علاقه لی باشلتگن پروژه لری, بیر هفته ده اوروپا بیرلیگی تامانیدن مادی جهتیدن حمایه له نه دی. انقره رهبریتی ایسه ۲ الی ۳ هفته ده مهاجر لر نی قیتریب قبول ایتیش کیلیشووی نی تطبیق ایتیب باشلیدی.

ترکیه نینگ اوروپا بیرلیگی اعضالیگی بیلن علاقه لی آلیب باریلیتگن مذاکره لر دایره سیده, ۳۳ نچی فصل دن عبارت مالی و بودیجوی حکم لر خصوصیده جون آییده مذاکره لر باشله تیله دی.

اوشبو ماده لرنینگ قبرس روم رهبریتی تامانیدن هم قبول ایتیلگن لیگی, اوروپا بیرلیگی منبع لری نینگ ترکیه بیلن کیلیشیب آلیش گه طرفدار ایکن لیگی تحلیل لری نینگ مطرح بولیشی گه سبب بولدی.