لیتوانیا مدافعه وزیری: ترک عسکر لری نینگ اولکه میز گه کیلیشینی آرزو ایته میز
لیتوانیا مدافعه وزیری: ترک عسکر لری نینگ اولکه میز گه کیلیشینی آرزو ایته میز
لیتوانیا مدافعه وزیری جوساس اولیکاس, روسیه نینگ هجومچی سیاستلری گه قرشی اولکه سیده ترک حربی لری نینگ موجودیتی نی خرسند چیلیک بیلن کوتیب آله دیگن لیک لری نی بیلدیردی.
اولیکاس, روسیه و بالتیک اولکه لری آره سیده گی بحران, سوریه معما سی, ناتو و ترکیه موضوعی بوییچه انادولو آژانسی بیلن بیر مصاحبه اویوشتیردی.
روسیه نینگ, قیریم نی الحاق ایتگن لیگی و اوکرائین گه قرشی هجومچی بیر سیاست آلیب باریشی آرتیدن اوز لری نی تهدید آستیده حس ایتگن لیک لری نی بیلدیرگن اولیکاس, "روسیه نینگ هجومچی سیاستی منطقه ده ینگی سیاسی بیر وضعیت گه سبب بولدی. کوپلب دولت لر سنگری بیز هم اوز مدافعه کوچی میز و حربی بودیجه میز نی آرتیره میز" دییه قید ایتدی.
ناتو نینگ ینه ده یخشیراق تدبیر لر آلیشی کیره ک ایکن لیگی نی بیلدیرگن اولیکاس, روسیه نینگ اوشبو سیاست لری گه قرشی ترک عسکر لری نینگ ناتو دایره سیده لیتوانیا گه باریشی نی طلب قیلدی.
اولیکاس, "البته که ترک عسکرلری نینگ اولکه میز گه کیلیشی نی آرزو ایته میز. ترکیه, بالتیک اولکه لریده ناتو هوا پولیس وظیفه سینی اجرا ایتگن ایلک اولکه لر دن بیری. عینی دمده ترکیه گه پاتریوت راکت لری جایلشتیریلگنده متخصص لری میز نی یوبارگن ایدیک. ترکیه بیلن جوده یخشی سیاسی علاقه لری میز موجود. ترکیه بیلن مشترک حربی تطبیقات اوتکزیش نی آرزو ایتماقده میز" دییه قید ایتدی.
اولیکاس, روسیه نینگ سوریه ده گی هوائی هجوم لریده گی اساسی هدف نینگ بشار الاسد رژیمی نینگ حمایه له نیشی دن عبارت ایکن لیگی نی معلوم قیلدی.
عینی دمده اولیکاس, روسیه نینگ سوریه ده گی اوشبو هجوم لری نینگ مهاجر لر بحرانی نینگ هم چقورله شیب کیتیشی گه سبب بولگن لیگی نی ایسله تیب اوتدی.
نوامبر آیی نینگ ۲۴ نچی کونیده ترک هوا ساحه سی نی اخلال ایتگن روس طیاره سی نینگ اوریلیب توشیریلیشی بیلن علاقه لی ایسه اولیکاس, چیگره لری نی مدافعه ایتیش حقی بولگن ترکیه نینگ, موجود قاعده لر گه اویغون بیر شکلده حرکت ایتگن لیگی نی بیلدیردی.
