اوکراین دولت باشلیغی ترکیه گه تشریف بیوردی
جمهور رئیس ایردوغان بیلن اوچره شدی
اوکراین دولت باشلیغی ترکیه گه تشریف بیوردی
اوکراین دولت باشلیغی پترو پروشنکو بیلن جمهور رئیس رجب طیب ایردوغان ترکیه جمهور رئیس لیک اوییده اوچره شدی. اوشبو اوچره شووده ایکّی اولکه آره سیده گی استراتیژیک مناسبت بیلن علاقه لی صحبت عملگه آشیریلدی. آرتیدن انادولی خبر آژانسی باشلیغی بیلن اوکراین انقره بویوک ایلچیسی آرقه لی اوکراین خبر آژانسی و انادولو خبر آژانسی آره سیده کیلیشوو امضالندی. عین دمده ترکیه ملی خوفسیزلیک شوراسی بیرینچی سکرترلیگی بیلن اوکراین ملی خوفسیزلیک و مدافعه شوراسی آره سیده ترکیه – اوکراین یوکسک سویه لی استراتیژیک کیلیشووی بولیب اوتدی. جلسه نینگ آرتیدن ایردوغان بیلن پروشنکو مشترکاً مطبوعات گه بیانات بیردی.
ایردوغان ترکیه قیریم نینگ قانونسیز بیرلشتیریلشینی رسمیت گه تنیمه گن و تنیمه یدی، دیدی.
ترکیه جمهور رئیسی سوریه گه کیرگونچه سوریه اداره سی بیزنی دعوت ایتدی خودی شو اوچون سوریه ده جایلشگن میز، دیگن روسیه نی اوکراین گه کیره یاتگن پیتده کیم دعوت ایتدی؟ خلق ارا حقوققه اوشبو سوالگه قنده ی قیلیب جواب بیره دیلر؟ کوچلی من و حق بجانب من منطقی بیلن حرکت قیلماقده دیر. بو ییرده حق لی لیک یوق دیر، دیدی.
