اوروش, دیپلماسی و سوریه تراژیدی سی

اوروش, دیپلماسی و سوریه تراژیدی سی

سوریه ده گی اوروشلر نینگ حقیقت لریدن بیری, منطقه ده عادلانه بیر کوچ موازنه سی نینگ تشکیل ایتیلیشی تقدیرده گینه دیپلوماسی نینگ بیر معنی سی نینگ موجود ایکن لیگیدن عبارت . غرب سوریه ده سیاسی بیر ییچیم یولی قیدیررایکن, روسیه نینگ اوشبو اولکه ده گی هجوملری مسئله نی باشقه بیر جهت گه سوق ایتماقده.

فبروری آیی نینگ ۱۱ نچی کونیده دشمن لیقلرنینگ اداغگه ییتیشتیریلیشی اوچون مونیخده امضالنگن معاهده نینگ ایسه وضعیت نی یخشی لشتیریش اوچون ییترلیک ایمس لیگی کورینماقده.

اوتگن ایککی ییلدن بیری روسیه نینگ اوزی داخل برچه تمان لر سوریه ده حربی ایمس بلکه دیپلماتیک بیر ییچیم یولی نینگ مطرح بولیشی کیره ک لیگی نی بیلدیریب کیلماقده. بیراق روسیه, ایران و سوریه رژیم لری آره سیده گی اوز ارا همکارلیک اوشبو موضوع نینگ تیسکری سی نینگ توغری ایکن لیگی نی کورستماقده.

اویوشتیریلیتگن خودی منه شو هجوملر, ژنیو مذاکره لری, آتش بس, انسانی یاردم لرنینگ آلیب باریلیشی و اسیرلرنینگ قویب یوباریلیشی کبی تشبث لر نینگ توختب قالیشی گه سبب بولدی.

حاضرگی کونده سوریه مخالف لری نینگ مهم مرجعیدن عبارت بولگن مذاکره عالی کمیته سی نینگ ژنیو مذاکره لری گه اشتراک ایته دیگن لیگی یاکه ایتمیدیگن لیگی بیرلشگن ملت لر تشکیلاتی خوف سیزلیک کینگشی نینگ ۲۲۵۴ نچی قراری نینگ تطبیق ایتیلیشی گه باغلیق بولیب قالگن وضعیتده.

ریاض حجاب رهبرلیگیده گی سوریه مخالف لری نینگ فبروری آیی نینگ ۲۵ نچی کونی گه معطل قیلیب قویلگن مذاکره لر بوییچه تردد قیلیش لری اوچون کوپلب سببلری موجود. بیرلشگن ملت لر تشکیلاتی مذاکره لر نینگ باشله نیشی اوچون اوزی نینگ مطرح ایتگن حکملرنی تطبیق ایتیشدن عاجز.

اوشبو موضوع بیلن علاقه لی دیپلماسی کتته بیر رول گه ایگه. بیراق, توغری سی نی ایته دیگن بولسک اگر, روسیه سیاسی مذاکره لر گه طرفدار ایکن دیک کورینیش اوچون, دنیا نینگ هر تمانی گه تشقی ایشلر وزیری نی یوباررایکن, باشقه بیر تماندن سوریه ده کوچ موازنه سی نی اوزگرتیش اوچون منطقه گه اوروش طیاره لری نی یوبارماقده.

روسیه نینگ دیپلماتیک فعالیت لری سوریه ده گی هجوملری نینگ اوستینی یاپیپ قویش اوچون ایکن, سوریه ده گی حربی هجوملری ایسه اوکرائین مسئله سی نی کون ترتیبیدن چیقاریب یوباریشدن عبارت البته که.

روسیه, ملکی لر نی بمباردمان ایتیب انسان لرنینگ منطقه دن کوچ ایتیشلری اوچون زمینه یره تیشگه حرکت ایتماقده. اوشبو موضوع بیلن علاقه لی هدف ایسه, ترکیه و اوروپا نی مهاجر لر معما سی گه دوچ قیلیب قویب راحت سیز ایتیشدن عبارت. باشقه بیر تماندن ایسه روسیه امریکا قوشمه ایالتلری گه منطقه ده گی اوز کوچی نی کورسه تیب بیرماقچی. روسیه جمهوررئیسی ولادیمیر پوتین, غرب نینگ قرار سیزلیگی سببلی پیدا بولگن ستراتیژیک بوش لیق نی تولدیریب قویگن وضعیتده.

سوریه رژیمی هر کون اونلب کیشی نی اولدیررایکن, داعش گه قرشی آلیب باریلیتگن بیر تمانلمه ستراتیژی نینگ اخلاقی مشروعیتی حقیده سئوال لر پیدا بولماقده. داعش گه قرشی کوره ش نینگ دوام ایتیب داعش نینگ مغلوبیت گه اوچره تیلیشی کیره ک. بیراق, اوشبو موضوع نینگ بشار الاسد رژیمی و حمایه چی لری نینگ موفقیتی گه سبب بولمسلیگی ضروری.

مینگلب سوریه لیک داعش تروریزمی ایمس, بلکه بشار الاسد رژیمی نینگ دولت تروریزمی و روسیه نینگ بمباردمانیدن قاچماقده. امریکا قوشمه ایالتلری نینگ سوریه ستراتیژی سی نی تنقید ایتگن لوران فابیوس, فرانسه تشقی ایشلر وزیرلیگی وظیفه سیدن اجره لرایکن, امریکا نینگ سوریه حقیده کوچلی بیر سیاست گه ایگه ایمسلیگی نی بیلدیردی.

بوندن تشقری فابیوس, امریکا نینگ کیمیاوی قوراللر بیلن علاقه لی قاعده لر گه اویغون حرکت ایتیلمسلیگی گه قرشی عکس العمل کورستمه گن لیگی نینگ پوتین نی اوکرائین و سوریه خصوصیده باتور بیر وضعیت گه کیتیریب قویگن لیگی نی معلوم قیلدی.

فابیوس نینگ گپ لری نی تصدیق ایته دیگن بیر شکلده, حاضرگی کونده منطقه ده اسد رژیمی بیلن روسیه نینگ حربی موفقیتی آرتیب باررایکن, امریکا نینگ ایسه پی وای دی و وای پی جی کبی سازمانلرنی حمایه لیتگن لیگی کورینماقده.

پی وای دی و وای پی جی, امریکا, روسیه و اسد رژیمی نینگ مشترک مشتری سی

صفتیده اولر نینگ همه سیدن قورال و باشقه امکانیتلر قول گه کیریتماقده.

شونده ی قیلیب اوشبو امکانیت لر نی قول گه کیریتیتگن هر گروه داعش گه قرشی کوچلی بیر تماندن عبارت بوله دی.

بیراق, داعش گه قرشی کوره ش بهانه سی بیلن سوریه نینگ شمالیده خود مختار لیک اعلان ایتگن پی وای دی ایندی اوز ساحه سی نی کینگیتیریش گه حرکت ایتماقده.

باشقه بیر تماندن ایسه, بیر نیچه مراتبه وعده قیلینگن لیگی گه قره مسدن هیچ قنده ی بیر یاردم کسب ایته آلمه گن سوریه نینگ مخالف کوچلری, بشار الاسد رژیمی و روسیه نینگ هجوملری دن تشقری داعش نینگ هم حمله لری گه دوچ کیلماقده.

فبروری آیی نینگ ۱۰ نچی کونیده گی وضعیت اوشبو موضوع بیلن علاقه لی بیر مثال نی تشکیل ایتماقده. روسیه نینگ حمایه سی نی کسب ایتگن وای پی جی سوریه لیک مخالفلر گه قرشی هجوم اویوشتیریب منغ قونلغه سی نی قول گه کیریتدی. هدف عفرین گه یقین عرب قشلاق لری نی تصرف ایتیش و شونده ی قیلیب پی وای دی نینگ حاکمیت ساحه سی نی کینگیتیریشدن عبارت. اوشبو متن نینگ یازیلیتگن پیتده وای پی جی کوچلری اعزاز شهری نینگ تشقری سیده حلب بیلن ترکیه چیگره سی آره سیده گی یولده کوتیب تورماقده ایدی.

ایرکین سوریه اردوسی کوبانی نینگ داعش نینگ کنترولیدن چیقاریلیشی اوچون منطقه ده گی کوچلر بیلن همکارلیک ایتگن ایدی. ایندی ایرکین سوریه اردوسی نینگ خودی منه شو کوچلر نینگ هجومی گه دوچ کیلیب قالگن لیگی کورینماقده.

اوشبو وضعیت جوده خفه ایتوچی بیر وضعیتدن عبارت ایکن, ژنیو مذاکره لری نینگ هم قنده ی بیر نتیجه گه سبب بوله دیگن لیگی معلوم ایمس.

عینی دمده انقره رهبریتی تمانیدن مطرح ایتیلگن و غرب طرفیدن هیچ قنده ی بیر سبب مطرح ایتیلمسدن رد ایتیلگن معتدل مخالف لرنینگ حمایه له نیشی و سوریه لیک مهاجر لر اوچون سوریه نینگ ایچیده امنیت بیر منطقه نینگ تشکیل ایتیلیشی گه تیگیشلی پلان گه امریکا ده قیزیقیش ینه باشلب کیتدی. اوتگن ییلده ایریم سابق دیپلمات و تحلیلچیلر, امریکا قوشمه ایالت لری دولت رهبری باراک اوباما رهبریتی گه سوریه نینگ شمالیده ترکیه چیگره سیده امنیت بیر منطقه نینگ قوریلیشی نی پیشنهاد ایتدی.

امریکا نینگ سابق سوریه ایلچی سی رابرت فورد, میلادی ۲۰۱۵ نچی ییلی مارچ آیی نینگ ۹ نچی کونیده, "سوریه ده گی مخالف لرنینگ حمایه ایتیلیشی اوچون اوچیش لرنینگ ممنوع بولگن بیر منطقه نینگ اعلان ایتیلیشی کیره ک" دییه یازدی.

میلادی ۲۰۱۵ نچی ییلی اپریل آیی نینگ ۲۱ نچی کونیده امریکا لیک جمهوریتچی و دموکرات سناتورلر اوباما نی, سوریه ده امنیت بیر منطقه نینگ تشکیل ایتیلیشی اوچون زمینه یره تیشگه چقیردی.

اوتگن ییلدن بیری کوپلب ینگی لیک لر یوز بیردی. روسیه اوز باشیمچه بیر شکلده اوچیش نینگ ممنوع بولگن منطقه لر نی عملده تشکیل ایتدی. حاضرگی کونده هم امنیت بیر منطقه نینگ قوریلیشی فکری, سوریه ده ملکی لرنینگ بشار الاسد رژیمی و روسیه نینگ هجوم لری دن قورینیشی اوچون یخشی بیر فکر دن عبارت.

امریکا نینگ ایککی سابق دیپلماتی نیکولاس بورنس و جیمیس جیفری ده, "اوباما رهبریتی نینگ اوتمیشده رد ایتگن فکر لر باره سیده قیته باشدن اویلیدیگن لیگی گه ایشانه میز. سوریه نینگ شمالیده ملکی لرنینگ قورینیشی اوچون امنیت بیر منطقه و اوچیش نینگ ممنوع بولگن بیر جای نینگ قوریلیشی کیره ک" دییه قید ایتدی.

بوندن کیین سوریه بیلن علاقه لی بولیب اوته دیگن مذاکره لر نینگ نتیجه بیریشی اوچون اوشبو تشبث لر نینگ خلق ارا جامعه تمانیدن حمایه له نیشی ضروری.

سوریه ده گی مخالف لر نی حمایه له مسدن و سوریه لیک ملکی لر اوچون امنیت بیر منطقه نی تشکیل ایتمسدن آلیب باریلگن دیپلماتیک فعالیت لر فقط گینه بیر اوروش ضایعاتی دن عبارت بوله دی خلاص.