ترکیه روسیه گه قتتیق بیر شکلده جواب قیتردی

روسیه نینگ, ترکیه نینگ ترور تشکیلاتی داعش دن پطرول آلگن لیگی گه تیگیشلی ادعا لری گه ترک مقام لری قتتیق بیر شکلده عکس العمل کورستدی.
ترکیه جمهوریتی جمهوررئیسی رجب طیب اردوغان روسیه جمهوررئیسی ولادیمیر پوتین نینگ اوشبو ادعا سی نی اثبات له شی کیره ک ایکن لیگی نی بیلدیررایکن, اثبات ایتیشی تقدیرده, جمهوررئیسلیگی وظیفه سی نی ترک ایته دیگن لیگی نی بیلدیردی.
جمهوررئیسی اردوغان بیرگن بیاناتلریده, اثبات له یه آلمسلیگی تقدیرده, پوتین نینگ اوز وظیفه سی نی ترک ایته دیگن لیگی یاکه ایتمیدیگن لیگی نینگ معلوم ایمس لیگی نی ایسله تیب اوتدی.
جمهوررئیسی اردوغان, "بو مسئله گه عایلمنی قوشیش لری هیچ اویغون بیر ایشدن عبارت ایمس. بونده ی بیر ایشنی آلدین ایران تلویزیون لری قیلگن ایدی. ایران جمهوررئیسی بیلن گپله شدیم. بو ایش نینگ جوده یمان نتیجه لری بوله دیگن لیگی نی بیلدیردیم. شونده ی قیلیب اون کون لیک بیر مدت مابینیده سایت لریدن اوشبو یلغان لر نی آلیب تشله دیلر" دییه قید ایتدی.
داعش پطرولی نینگ قاچاق تجارتی نی قیلیتگن کیشی نینگ روسیه پاسپورتی گه ایگه سوریه لیک گیورگی هاشراوی دن عبارت ایکن لیگینی بیلدیرگن جمهوررئیسی اردوغان, اوشبو مطلب نینگ امریکا قوشمه ایالت لری هزینه وزیرلیگی تمانیدن بیلدیریلگن لیگی نی معلوم قیلدی.
ترکیه جمهوریتی باش وزیری احمد داوود اوغلی ایسه اوشبو موضوع بیلن علاقه لی بیرگن بیاناتلریده, روسیه نینگ سونگگی ۲۰ الی ۲۵ ییلده ساووق اوروش آرتیدن ایسدن چیقاریب قویب قویگن لیگی اویلنگن خصوصیت لری نی قیته باشدن کسب ایتیتگن لیگی نی ایسله تیب اوتدی.