اردوغان, پوتین نی استعفا گه چقردی

ترکیه جمهوریتی جمهوررئیسی رجب طیب اردوغان, روسیه جمهوررئیسی ولادیمیر پوتین نی استعفا گه چقردی.
جمهوررئیسی اردوغان, پوتین نینگ ترکیه نینگ ترور تشکیلاتی داعش دن پطرول آلگن لیگی گه تیگیشلی ادعا لری گه قتتیق بیر شکلده جواب قیتردی.
اردوغان, اوشبو ادعا لرنینگ اثبات له نیشی تقدیرده, جمهوررئیسلیگی مقامینی ترک ایته دیگن لیگی نی بیلدیررایکن, "پوتین گه ایتماقچیمن, خودی منه شو ادعا نینگ اثبات لنمسلیگی تقدیرده, سین اوز مقامینگده توره سن می؟" دییه قید ایتدی.
رجب طیب اردوغان, پاریسده اقلیم اوزگریشی بوییچه رهبر لر ییغیلیشی دایره سیده ژورنالست لرنینگ سئوال لری گه جواب قیتررایکن, ترکیه نینگ قانونی بیر شکلده قییردن پطرول و گاز آلیتگن لیگی نینگ معلوم ایکن لیگینی ایسله تیب اوتدی.
اردوغان, "بیز ترور تشکیلات لریدن پطرول آله دیگن حیثیت سیز کیشی لر دن عبارت ایمس. اوشبو حقیقت نی همه نینگ بیلیشی کیره ک" دییه قید ایتدی.
جمهوررئیسی اردوغان, ترکیه هوا سی نی اخلال ایتگن روس اوروش طیاره سی نینگ اوریب توشیریلیشی آرتیدن ترکیه بیلن روسیه آره سیده پیدا بولیب قالگن جنجال لرنینگ خصومت سیز بیر شکلده صبر بیلن حل ایتیلیشی کیره ک ایکن لیگی نی بیلدیرگن لیک لری نی معلوم قیلدی.
اردوغان, "دولت لر آره سیده اوزاق بیر مدت بیلن علاقه لرنینگ بتونلی توخته تیلیب قویلیشی ممکن ایمس. آزگینه هم بولسه مناسبت لرنینگ دوام ایتیشی کیره ک. بیز اوشبو مناسبت لرنینگ دوام ایتیشی نی آرزو ایتماقده میز. لیکن روسیه نینگ اوشبو علاقه لرنی قنده ی دوام ایتتیره دیگن لیگی معلوم ایمس. بیز هم البته که کیله جکده گی ینگی لیک لر گه کوره تصمیم آله میز" دییه قید ایتدی.