اردوغان پوتین گه اخطار بیردی

ترکیه جمهوریتی جمهوررئیسی رجب طیب اردوغان, سوریه ده ترور تشکیلاتی داعش نی بهانه قیلیب معتدل مخالف لر نی بمباردمان قیلیتگن تمان لرنینگ جوده هم یمان بیر ایش قیلیتگن لیک لری نی بیلدیررایکن, "روسیه نینگ اوت بیلن اوینه مسلیگی نی توصیه ایته میز" دییه قید ایتدی.
جمهوررئیسی اردوغان ترکیه نینگ بایبورت منطقه سیده بیرگن بیاناتلریده ترک جت لری نینگ روس طیاره سی نی اوریب توشیریشی آرتیدن ترکیه بیلن روسیه آره سیده سونگگی کونلرده پیدا بولگن بحران باره سیده بحث ایتدی.
اردوغان, "ترکیه عمداً روس طیاره سی نی اوریب توشیرمه دی. روس طیاره سی ترک هوا ساحه سی نی اخلال ایتگن لیگی سببلی اوریب توشیریلدی" دییه قید ایتدی.
ترکیه نینگ اوشبو موضوع بیلن علاقه لی حقلی ایکن لیگی نینگ دنیا اولکه لری تمانیدن قبول ایتیلگن لیگی نی بیلدیرگن جمهوررئیسی اردوغان اوز سوز لری نی, "اوشبو موضوع نی بهانه قیلیب بیر کورگزمه اوچون روسیه گه کیتگن ترک تبعه لری نی راحت سیز ایتیش, تجاری فعالیت لر یاکه بشری یاردم لر اوچون منطقه ده موجود بولگن موتر لر نی مسئولیت سیز بیر شکلده اوریش اوت بیلن اوینه ش دن عبارت. صمیمی بیر شکلده روسیه نینگ اوت بیلن اوینه مسلیگی نی توصیه ایته میز" شکلیده دوام ایتتیردی.
روسیه گه قره ته بیرگن بیاناتلریده اردوغان, "سوریه ده ۳۸۰ مینگ انسان نی اولدیرگن قاتل بیر بشار الاسد موجود. سیز اوشبو رژیمنی حمایه له ماقده سیز. دولت تروریزمی قیلیتگن بونده ی بیر کیشی نی حمایه ایتیش گه مجبور می سیز؟" دییه قید ایتدی.
اردوغان, روسیه جمهوررئیسی ولادیمیر پوتین نینگ, ترکیه بیلن ترور تشکیلاتی داعش آره سیده بیر همکارلیک نینگ موجود ایکن لیگی نی بیلدیریش گه حرکت ایتیتگن لیگی نی بیلدیررایکن, "اساساً ترکیه داعش گه قرشی کوره ش آلیب بارماقده" دییه قید ایتدی.
"پوتین ترکیه نینگ روسیه نی آرقه دن بچاق له گن لیگی نی بیلدیرماقده. بو ملت کیمسه نی آرقه دن بچاق له مه گن. بو ملت هردایم دشمن نینگ مقابلیده اوروشگن" دییه قید ایتگن اردوغان, ترکیه بیلن روسیه آره سیده گی علاقه لر نینگ بوزیلیشی گه خوش بوله دیگن تمان لرنینگ هم موجود بولیشی نینگ ممکن ایکن لیگی نی معلوم قیلدی.
اردوغان مسکو رهبریتی گه قره ته بیرگن بیاناتیده, "کیلینگ اوشبو تمان لر گه فرصت بیرمیلیک" دییه قید ایتدی.