ترکیه ده گی سیلاو نتیجه لری دنیا ده کینگ عکس ایتدی

ترکیه ده بولیب اوتگن سیلاو لرنینگ نتیجه لری دنیا مطبوعاتیده هم کینگ عکس ایتدی.
امریکا قوشمه ایالتلریده باسیلیب چیقگن خبرلرده, اوشبو سیلاو لر نتیجه سیده عدالت و توسعه حزبی نینگ ینه بیر مرته اوز کوچی نی آرتریب یوبارگن لیگی قید ایتیلدی.
اسوشیتید پریس خبر آژانسی هم سیلاو بیلن علاقه لی تی آر تی نینگ معلومات لری گه اورین اجره ترایکن, اقتدار ده گی حزب نینگ کتته بیر موفقیت کسب ایتگن لیگی و اوشبو موفقیت نینگ کتته قیزیقیش بیلن کوتیب آلینگن لیگی نی معلوم قیلدی.
واشنگتن پست روزنامه سی, عدالت و توسعه حزبی نینگ ینه بیر مرته یککه اوزی نینگ حکومت قوریش کوچی گه ایگه بولگن لیگی نی بیلدیردی.
وال ستریب جورنال روزنامه سی, عدالت و توسعه حزبی نینگ ترک نفوسی نینگ یریمی نینگ رایی نی کسب ایتگن لیگی نی بیلدیررایکن, شونده ی قیلیب پارلمانده گی کرسی نینگ اکثریتی نی کسب ایتیش گه موفق بولگن لیگی نی ایسلتماقده.
نیویورک تایمز روزنامه سی هم وال ستریت جورنال سنگری "محتشم بیر قیتیب کیلیش" عنوانی دن فایده له نرایکن, عدالت و توسعه حزبی نینگ موفقیتی نینگ ترکیه ده اردوغان نینگ قدرتی نینگ دوام ایته دیگن لیگی معنی سی گه کیله دیگن لیگی نی بیلدیردی.
انگلستانده نشرات آلیب باریتگن بی بی سی, بولیب اوتگن سیلاو لر نتیجه سیده عدالت و توسعه حزبی نینگ غلبه قازانگن لیگی نی معلوم قیلدی.
گاردین روزنامه سی, ترکیه ده عدالت و توسعه حزبی نینگ اساسی قانون نینگ اوزگرتریلیشی اوچون کیره ک لیک رای گه یقین بیر مقیاسده رای آلگن لیگی نی بیلدیردی.
فرانسه ده باسیلیب چیقه دیگن لو موند بیلن لو فیگارو روزنامه لری عدالت و توسعه حزبی نینگ پارلمانده کرسی لرنینگ اکثریتی نی کسب ایتیش گه موفق بولگن لیگی گه دقت قره تدی.