باش وزیر انقره ده سیلاو بیلن علاقه لی بیانات بیردی
انقره ده گی هوادارلری نینگ حضوریگه چیقدی
باش وزیر انقره ده سیلاو بیلن علاقه لی بیانات بیردی
باش وزیر احمد داوداوغلی ترکیه ده بولیب اوتگن سیلاو نتیجه سیده هیچ بیر گروه نینگ مغلوب بولمه گن لیگی نی معلوم قیلیب، ترکیه نینگ قازانگن لیگینی افاده ایتدی. عدالت و توسعه حزبی نینگ باشلیغی و ترکیه باش وزیری احمد داود اوغلی اوز حزبی نینگ مرکزیده ییغیلگن هوادارلریگه خطاباً عملگه آشیرگن اوز صحبتیده بوگون دن باشلب، قیغو و خواطرنینگ جایینی امید آلدی، دیدی.
باش وزیر 78 ملیون کیشی نینگ حقی محافظه بولرلیگی نی تأکیدلب، جماعت نینگ هر بیر فردینی قوچاق لب آلیش گه دوام ایترلیک لرینی اورغوله دی. داود اوغلی ترکیه نینگ هر بیر کیشی سیگه اوز شخصیتی توغریسیده افتخار بیلن یشه ییش زمینه سی تأمین ایتیله دی، دیدی. اوروش بولمه گن بیر ترکیه اوچون بیردم لیک بیلن فعالیت آلیب باره میز دیب، ایریم سیاسی حزبلرنی ملی و مستقل بیر اساسی قانون چیقریش اوچون دعوت ایتدی. کوداتا قانون لریدن واز کیچیب، مدنی و مستقل بیر اساسی قانون اوچون قولمه – قول بولیشیمیز کیره ک دیر، دیدی.